Mistari Maarufu ya Biblia kutoka Genesis 17

Shirikisha

Abiramu apa ga kere nonomvhura nomurongo ntano‐nane nantano‐nane, HOMPA ta monekere Abiramu, ta mu tantere asi: “Nyame Karunga, Munankondo nadinye. Nongenda doge adi wape kosipara sange, ngo kare muhungami.

Yipo nye ngava dilira hena kukutumbura asi Abiramu, nye edina lyoge ngali kara Abirahamu, yeeyi ame tani ku ninki, ngo kare guhyanomuhoko dononzi.

“Ame ngani paka po malikwatakano pokatji ketu noge noruvharo roge oru ngaru ku kwama nomazimo gawo, ngaga kare malikwatakano ganarunye, nkumwe ngani kare Karunga goge noruvharo roge oru ngaru ku kwama.

“Ame ko malikwatakano getu noge, gaga asi: Ove ngo kara guhyanomuhoko dononzi.

Karunga ta limburura asi: “Yosili, mukadoge Sara nga ku hampurukira munona gomugara, ove ngo mu ruke Isaka. Ano ame ngani paka po malikwatakano getu nendi, malikwatakano ganarunye goruvharo rwendi oru ngaru mu kwama.

Ano ame ngani ku pa ove noruvharo roge oru ngaru ku kwama, sirongo esi wa kara munayirongo. Sirongo nasinye saKanani ngasi kara ugawo weni wanarunye, ame name ngani kare Karunga gwawo.”

Makura Abirahamu ta hegumuka a twe sipara sendi pevhu, ta zoro oku ta lipura momutjima gwendi asi: “Muntu gonomvhura efere nye kuvhura sili kumuhampurukira muna? Ndi Sara ogu gonomvhura nomurongo ntano‐nane a vhare tupu hena?”

Ga ninka Karunga ta tantere hena Abirahamu asi: “Mukadoge Sarayi nokumutumbura si hena Sarayi, nye edina lyendi ngali kara Sara. (Sarayi kuninka asi ‘Hompa gomukadi,’ Sara kuninka asi ‘Ta zoro.’)

Ngava mu rugane yovamba ngasi kare sidiviso somalikwatakano getu.

Nye malikwatakano gange ngani ga paka po pwetu naIsaka, ogu nga ku hampurukira Sara komumvhogu posiruwo ngaseesi.”

Nkenye munona gomugara, nsene ana kara nomazuva gatano‐nagatatu, ngava mu rugane yovamba, ava wokuhampurukira membo lyoge ndi wokuranda noyimaliva yoge kuvarugana yovamba. Yimo nye ngoso, malikwatakano getu ngaga kare malikwatakano ganarunye momarutu geni.