Mistari Maarufu ya Biblia kutoka انجیل لوقا 6

Shirikisha

آدیا تا شاما آدینده. پیمانه‌ای فت، سِخ دییَه، تکان دییَه و لبریز شاما دامَنک اَرکرده بی چون هر پیمانه ای نه که آدیا، هَ پیمان نه شاما آگاردننده.»

چاکَه آدم اِشتن دِلِه چاکَه خزانک چاکی به بار آوره، و بده آدم اِشتن دِلِه بده خزانک، بدی به بار آوره. چون زوانَه چیّانی واجیه که دلَه اَونه فتا.

امّا شاما، شاما دشمنان محبت بکرا و چاکی بکرا، بیدون هیچ گوشه داری ای، قرض آدیا، چون شاما پاداش پِر بی، و خدای متعاله خوردوخال با، چون خدا ناشُکران و بَدکاران نه مهربان اِسه.

رحیم ببا، اَجوره که زَ شاما پِه رحیم اِسه.

«قضاوت مَکَرا تا شاما قضاوت مَبا. محکوم مَکَرا تا محکوم مَبا. ببخشا تا شاما نی بخشسه ببا.

«امّا شامانَه که چِمن لاوَه اَشنوسرانِه نَه، واترم: شاما دشمنان محبت بِکرا و کسانی نه که شاماک مُتنفرنده، چاکی بِکرا. کسانی را که شاما لعنت کَرنده و شاما اذیت کرنده خیره دعا بکرا.

خَلکِنه اَجوره رفتار بِکرا که رایِرانه اَوه شامانه رفتار بِکَرنده.

وقتی کسی اِشته دیمِه سیله زَنه، اِشته دیمِه اَ طرف نی چوه را آگاردان. وقتی کسی اِشته اَبا اَرَگیره، اِشته شِیِه نی اَوه آده. اگم کسی چیزی تِک آخازه اَوه آده، و اگم اِشته مالش تِک اَرکت، دَ اَوک اَمَرَگی.

«هرگز چاکَه دارَه، بَدَ میوه و یا بَده دارَه، چاکه میوۀ ناوَریه.

هر داری چَوه میوَک آزاننده. بِرَه بِنَک انجیل نیچیننده، و خِندلَه بِنَک، انگُور نیچیننده.