Mistari Maarufu ya Biblia kutoka اِنجیلِ لوقا 3

Shirikisha

موقِه ای گه دِشتِه مَردِن تَعمید گیتِنِه و عیسی هَم تَعمید بَیت وِه و دِ دِعا کِردِه، آسِمون وا بَوِه و روح القُدُس جِسمی دِلِه هِتی کِتَری تَرا وی سَر جِر بیمو و یَتِه چِمِر آسِمونی جا بیمو گه: «تو می عزیزِ ریکایی، مِن تیجا راضیمِه.»

یحیی دِشتِه وِشونِه هَینجور جِواب داوِه و گِتِه: «مِن شِمارِ اُوئی هَمرا تَعمید دِمِه، ولی کسی میجا قَویتر اِنِه گه حَتّی من لایق نیمِه وی کُوشی بَنِّ وا هاکِنِم. وی شِمارِ روح القُدُس و تَشی هَمرا تَعمید دِنِه.

اَعمالی گه نِشون دِنِه شِما توبِه هاکِردِنی رِه اَنجام هادین و شی هَمرا نُئین گه: ”اَمِه جَد ابراهیمِ.“ چون شِمارِ گِمِه، خِدا بَتِنِّه هَین سَنگیشونی جا اِبراهیمی سِه وَچیلِه سَر اِنگِنِه.

اَلَن تور داری ریشِه ای سَر دَرِه و هر داری گه خِبِ میوِه نیارِه، بَوری و تَشی دِلِه دیم بَدا وونِه.»

هَمونجور گه اِشعیای پِیغَمبَری کیتابی دِلِه بیمو: «یَنَفر صَحرایی دِلِه داد زَنِّه، ”خِداوندی راه رِه آمادِه هاکِنین! و وی راهارِه هموار هاکنین! دِشتِه دَرِّه ایشون پِر و دِشتِه کوه و کِتی ایشون هَموار وونِنِه؛ وَلِ راهیشون راس و چالِه چولِه ایشون هَموار وونِنِه. اونوَخت دِشتِه مَردِن خِدایی نِجاتِ وینِنِه.“‌»