Mistari Maarufu ya Biblia kutoka اِنجیلِ یوحنا 21

Shirikisha

بعد از صِبونِه، عیسی شَمعونِ پِطرُسی جا بَپُرسیِه: «اِی شَمعون، یوحَنایی ریکا، مِنِه هَینِنی جا ویشتَر دوس دارنی؟» وی جِواب هادا: «اَرِه آقا؛ تو گُو دِنّی تِرِه دوس دارمِه.» عیسی وِرِه بُتِه: «می وَرکائیشونِه خِراک هادِه.» دِوِّمین کَش عیسی ویجا بَپُرسیِه: «اِی شَمعون، یوحَنایی ریکا، مِنِه دوس دارنی؟» شَمعونِ پِطرُس جِواب هادا: «اَرِه آقا؛ تو گُو دِنّی تِرِه دوس دارمِه.» عیسی بُتِه: «می گِسَنیشونِه چَپونی هاکِن.» سِوِّمین کَش عیسی وِرِه بُتِه: «اِی شَمعون، یوحَنایی ریکا، مِنِه دوس دارنی؟» پِطرُس هَینی جا گه عیسی سِه کَش ویجا بَپُرسیِه مِنِه دوس دارنی؟» نارحَت بَوِه و بُتِه: «آقا، تو هَمه چیرِه دِنّی؛ تو گُو دِنّی تِرِه دوس دارمِه.» عیسی بُتِه: «می گِسَنیشونِه خِراک هادِه.

حَیقَتاً تِرِه گِمِه، وختی گه جَوونتَر وِه ای شی کَمَرِ وَسّی و هر جا خوایسی شیئی، ولی وختی پیر بَووئی، شی دَسِ وا کِنّی و یَنَفر دییَر تی کَمَرِ وَنِّه و تِرِه جایی گه نَخواینی بوری وَرنِه.»

عیسی بُتِه: «تورِ لوتکایی راسِ طَرف دیم بَدین گه گیرِنی.» وِشون هَینجور هاکِردِنِه. و اَنّی مائی زیاد وِه گه دِ نَتِنِسِنِه تورِ لوتکایی دِلِه بَکِشَن.

شَمعونِ پِطرُس وِشونِه بُتِه: «مِن شومِه مائی بَیرِم.» وِشون بُتِنِه: «اَما هَم تی هَمرا اِمی.» پَس دیرگا بوردِنِه و لوتکا سِوار بَوِنِه. ولی هون شُو هیچی مائی نَیتِنِه.