Mistari Maarufu ya Biblia kutoka اِنجیلِ یوحنا 12

Shirikisha

اگه کسی خواینِه مِنِه خِدمَت هاکِنِه، وِنِه می دِمال بیِه؛ و جایی گه مِن دَرمِه، می خادِم هَم اوجِه دَرِه. کسی گه مِنِه خِدمَت هاکِنِه، پیر وِرِه عِزَّت دِنِه.

اونیگه شی جانِ دوس دارِه، اونِه از دَس دِنِه. ولی اونیگه هَین دِنیایی دِلِه شی جانی جا بِگذِرِه، اونِه اَبَدی زندگی ای سِه حِفظ کِنِّه.

حَیقَتاً شِمارِ گِمِه، اگه گَنِّمی تیم گِلی بِن نَشوئِه و نَمیرِه، تَنیا مونِّه؛ ولی اگه بَمیرِه خِیلی بار اُرنِه.

مِن هِتی نوری تَرا هَین دِنیایی دِلِه بیمومِه تا هر کی مِنِه ایمون بیارِه، تاریکی ای دِلِه نَمونِّه.

اگه کَسی می گَبِ بِشنُئِه، ولی اونِه بِجا نیارِه، مِن وِرِه داوَری نَکِمِّه؛ چون نیمومِه هَین دِنیایی مَردِنِ داوَری هاکِنِم، بَلگی بیمومِه تا وِشونِه نِجات هادِم.

هَمون موقِه، مریم یَتِه شیشِه سُنبُلِ عَطرِ گِرون قِیمَتِ خالص گه نیم لیتری اَنّا وِه رِه بَیتِه و عیسایی لینگِ وی هَمرا عَطرهاشی هاکِردِه و شی گیسی هَمرا خِشک هاکِردِه. خِنِه عَطری بی ای جا پِر بَوِه.

نَخلی شاخِه ایشونِه شی دَسی دِلِه بَیتِنِه و وی پِشواز بوردِنِه. وِشون دادی هَمرا گِتِنِه: «نِجات هادِه! مِوارَکِ اونیگه خِداوندی اِسمی هَمرا اِنِه، مِوارَکِ اسرائیلی پادشاه!»

عیسی وِشونِه بُتِه: «اِنسونی ریکائی بَمِردَن و زینِّه بَووئَنی موقِه بَرِسیِه.