Mistari Maarufu ya Biblia kutoka اِنجیلِ یوحنا 1

Shirikisha

ولی دِشتِه اونانیگه وِرِه قَبول هاکِردِنِه رِه هَین حَقِ هادا گه خِدایی وَچیلِه بَوون، یَعنی هر کی گه وی اِسمِ ایمون بیاردِه؛

از اوَّل کَلام دَوِه، و کَلام خِدایی هَمرا دَوِه، و کَلام خِدا وِه؛

هَین نور تاریکی ای دِلِه تابِنِه و تاریکی نَتِنسِه اونِه دَکوشانِه.

و کَلام آدَمی بَوِه و اَمِه میِن مِنزِل هاکِردِه، و اَما وی جَلالِ بَئیمی، جَلالی هون یَتّا ریکایی شایستِه گه پیری طرفی جا بیمو، گه فیض و حَیقَتی جا پِرِ.

هَمه چیرِه وی بَساتِه، و هر چی ای جا گه بَسات بَوِه هیچی بِدونِ وی بَسات نَوِه. وی دِلِه زندِگی دَوِه و هون زندگی آدَمِنی نور وِه.

فَردای هون روز، یَحیی عیسی رِه بَئیِه گه وی سمت اِنِه، بُتِه: «هارشین، هَین خِدایی قِروونی وَرکائِه گه گِناهِ دِنیایی جا گیرنِه و وَرنِه!

وی دِنیایی دِلِه دَوِه و دِنیا وی طَریقی جا بِوجود بیمو؛ ولی دِنیا وِرِه نِشناسیِه. وی شی قومی دِلِه بیمو، ولی وی قوم وِرِه قَبول نَکِردِنِه.

هون حَیقی نور گه هر آدَمی رِه روشِنایی بَخشِنِه دِ دِنیایی دِلِه ایمو.

چون شریعَت موسایی طریقی جا هادا بَوِه؛ فیض و حَیقَت عیسی مسیحی طریقی جا بیمو.