Mistari Maarufu ya Biblia kutoka Luke 24

Shirikisha

ငါဟာ ငါ့ခမည်းတော် ပီးထားရေကတိအတိုင်း မတ်ရို့ပါးကို ဉာဏ်အလင်းတော်ကို စီလွှတ်မေ။ ယေတာလဲ ဉာဏ်အလင်းတော်ဟာ ရွှေမြို့တော်ကနီ မတ်ရို့ကို တန်ခိုးတော်ပီးအပ်တေအချိန်ထိ ဂျေရုဆလင်မြို့မာ စောင့်နီကတ်ပါ” လို့မိန့်တော်မူခရေ။

ကိုယ်တော် အေနီရာမာ မဟိယာ။ သူဟာ သီဟာက အသက်ပြန်ရှင်လားယာ။ ဂါလိလဲမာ သူနဲ့တူတူဟိနီခါတုံးက သင်ရို့ကို သူမိန့်ကြားခဟာတိကို အမှတ်ရကတ်ပါ။

ယေခါ သူရို့ကို အမြင်အာရုံဖွင့်ပီးလိုက်ဟာကြောင့် ကိုယ်တော်ကို မှတ်မိလားကတ်တေ။ ယေတာလဲ ယင်းချိန်မာပင် ကိုယ်တော်ဟာ သူရို့မြင်ကွင်းထဲက ပျောက်လားခရေ။ ယင်းလူတိကလည်း “ကိုယ်တော်ယေရှုက ငါရို့ကို လမ်းမာ ကျမ်းစာတိအကြောင်းကို ရှင်းပြနီတုံးက ငါရို့စိတ်ထဲမာ ရင်းရင်းနှီးနှီး သိနီရေလို့ စိတ်က ခံစားရရေမလား” လို့အချင်းချင်းပြောကတ်တေ။

ယပြီးကေ ကိုယ်တော်က သူရို့ကို “ကျမ်းစာထဲမာ ကယ်တင်ရှင်မေရှိယဟာ ဒုက္ခဆင်းရဲတိကို ခံစားရပြီးလို့ သုံးရက်မြောက်တေနိန့်မာ သီခြင်းက အသက်ပြန်ရှင်တော်မူလိမ့်မယ်။ မေရှိယကို ယုံကြည်တဲ့လူတိက ဂျေရုဆလင်မြို့ကစပနာ ကမ္ဘာမာဟိတဲ့လူမျိုးတိုင်းပါးကို လားပြီးကေ ဘုရားရှင်ခွင့်လွှတ်ခြင်းကိုခံရဖို့အတွက် သူရို့ရဲ့အပြစ်ဒုစရိုက်တိကို နောင်တသံဝေဂရဖို့ ဟောပြောလိမ့်မယ် လို့ရေးထားရေ။

သူရို့ဟာ သင်္ချိုင်းဂူပေါက်ဝနားကို ရောက်တဲ့အခါမာ ဂူပေါက်ဝကိုပိတ်ထားရေ ကျောက်တုံးကြီးကို တစ်ယောက်ယောက်က ဖယ်ထားဟာကြောင့် အဝီးတနီရာကို ရောက်နီဟာကို တွိ့ခကတ်တေ။ သူရို့ဟာ သင်္ချိုင်းဂူထဲကို ရောက်ကတ်တေခါ ကိုယ်တော်ယေရှုရဲ့ ရုပ်ခန္ဓာကို မတွိ့ရယာ။