Mistari Maarufu ya Biblia kutoka YAHYA 15

Shirikisha

Nakkemo poong anggoro toje' na kauimo tangke-tangkena. Inai jua ammari lalang ri Nakke na Nakke lalang ri ia, ia lalohe buana, saba' pantaranganna Nakke geleiko akkulle anggeokangi manna se're.

Ammariko lalang ri Nakke na Nakke lalang ri kaui. Assimpole tangke-tangke injo gelei akkulle ambua battu ri kalenna to'jua, ampa gelei a'da'ki' ri poong anggoro, appakonjo todo'i ri kaui, geleiko ambua ampa geleiko ammari lalang ri Nakke.

Ampa kau ammari lalang ri Nakke na pauKu ammari lalang ri kaui, ngeraimoko apa jua mukaa'raki, lamutarimai intu.

Gele kau anjo'jo' ri Nakke, mingka Nakkemo anjo'jo' ri kaui. Nakke maeng Kutantuangiko, solanna a'lampako na lohe buamu na tulusu pambuamu, solanna apa jua muerai mange ri Amma lalang ri arengKu, Ia lapassareangi mange ri kaui.

Gelemo rie' pangamaseang la'bi bakkakang battu ripangamaseanna inni, iamo intu tau lapa'bisonaang nyahana passabakang ri baha'-bahaanna.

Sikonjo tangke-tangke rie' ri Nakke nugele injo ambua, latatta'i na sikonjo tangke-tangke ambua injo latangkasi, solanna pela'lohe buana.

Iamo inni parentaKu, iamo intu solanna assikamaseangiko, assimpole Nakke ngamaseang ri kaui.

Lalang ripassala innimo AmmangKu ripakala'biri, iamo intu ampa kau ambua lohe na ri appakonjona kaumo intu ana'-ana' gurungKu.”

”Nakkemo poong anggoro toje' na AmmangKumo tuanjamana.

Inai jua gele ammari lalang ri Nakke, ia laripamballungi ansulukang assimpole tangke-tangke na a'jari kalotoro, maeng injo lapasse'rei tau na ripantama'i ri api laritunu.

Iangase'na injo Kupau mange ri kaui, solanna karannuangKu rie'i lalang ri kaui na a'jari sangka'i karannuammu.

Ampa muturuki parentaKu, kau laammari lalang ripangamaseangKu, assimpole Nakke nuruki passuroanNa AmmangKu na ammari lalang ripangamaseanNa.

Iamo inni parentaKu mange ri kaui: Kamaseangi parammu rupatau.”

So'di injo kau battu ri lino inni, tantu lakamaseangimmu lino assimpole se're anunna. Mingka kanara kaui gele battu ri lino inni, mingka Nakke maeng Kujo'jokiko battu ri lino inni, injomo saba'na lino inni liking ri kaui.