Mistari Maarufu ya Biblia kutoka Loma 3

Shirikisha

Jien kunla zui fanjidene Hudai famade dai dazhoma, Ersa Mexihai shuikui tungo giezhi Hudai nenjienghala belien gouni wo giezho.

Hheshijiu Ersa Mexihai xianxin giesan jien kunlade olusan Hudai gundanni wo. Yan kunliuzhe niekielien wo.

Huda Ersa i kunni oronde fugughazhi shuiku gholughawo. Hhei xianxin giesan kunlai zuini mienliene. Ingiezhi Huda gundanne uzheghawo. Eqighandei Huda kunla fanjisan zuini rennai giezhi ese gonjizho. Edeku shihoude ingiezhi Huda goyaneshi gundan bikui, pse Ersa i xianxin giesan kunlai gounii uzheghazho.

Guijinni zunjizhi giedene Hudai melie gounide sanasan kun nieda uwo. Guijinni tungo giezhi zuini mejiene.

Jinwun jiere jilasan mutun, "Gou kun uwo, nieliuzhe uwo. Minbai oluchen kun uwo, Hudai ereichen kun uwo. Kunla man xiemachalazhi yama oronde uwo. Gounii giechen kun uwo, nieliuzhe uwo."

Bijien uzhese kunni gounide sanakushi guijinni zunjizhi giekughala pusho, xianxin giekughala wo.

Kenjin pusho! Kunla man ghudan kieliese Huda ghudan ulie kieliene. Jinwun jiere jilasan mutun, "Chi kielien kieliekude gundan wo giene. Shenwun giekude chi injine."