Mistari Maarufu ya Biblia kutoka Румазухъе кагъат 12

Shirikisha

Гьаб дуниялалъул халкъ хьвадулеб къагӀидаялъ хьвадуге нуж. Биччанте Аллагьас нуж хисизаризе, биччанте нужер гӀакълуги цӀияб букӀине. Гьелдалъун бичӀчӀила нужеца щиб гьабизе Аллагьасе бокьун бугебали, батӀа бахъизе лъала Аллагь разилъулебги, лъикӀабги, камилабги.

Аллагь разилъулеб къурбаналъе хъолеб кьегӀер хӀалалабги бацӀцӀадабги букӀине ккола. Аллагьас цӀоб лъедал, дица нужеда гьарулеб буго, диналъул вацал, нужер чурхдулги гьелда релълъун рукӀунеб хӀалалъ хьвадейилан. ХъвечӀониги къурбанлъун ккола Аллагьасе гьабулеб бугеб нужер унго-унгояб хъулухъ.

Хьулалъ ракӀ бохизабе. Балагь бачӀаниги, къвакӀун чӀа. Кидаго гьари-дугӀаялда тӀадчӀа.

Квешлъиялъ нужго къезаризе риччаге, лъикӀлъиялъ къезабе квешлъи!

Цоцазе рокьун, мутӀигӀлъун, вацал гӀадин рукӀа. Дудасаго гьев кӀодо гьавун, цогидасул адаб-хъатир гьабе.

РакӀ-ракӀалъго рокьа нуж цоцазе. Квешлъи рикӀкӀад гьабе, лъикӀлъиялда рекӀун чӀа.

Нужехъа бажарараб къагӀидаялъ ракълида рукӀа нуж киназдехунго.

РецӀел босизейилан лъугьунге, дир хириял. Аллагьасул ццин бахъине биччанте гьединал гӀадамазда. ТӀухьдузда хъван буго: «РецӀел Дихъ буго, Дица бецӀула», – ян.

Нужер жигарчилъи чучлъизе тоге, Аллагьасе хъулухъ гьабизе рухӀанияб хӀаракатги загӀиплъизе биччаге.

Чапарлъиялъул баркат насиблъарав чи вугелъул, нужер щивасда абулеб буго, кколелдаса цӀикӀкӀун кӀодо гьаруге нужго нужецаго. ЧӀухӀдаруге нуж. Аллагьас нужер щивасе кьураб божи-иманалъул роцада рекъон цӀодорго гурони рехсоге нужерго цӀар.

Нужее гьабураб квешлъи бецӀун квешлъиги гьабуге. Киназго лъикӀабилан рикӀкӀунеб иш гьабизе хӀаракатги бахъе.

Цоцазда гьоркьор ракӀ разияб ракълида рукӀа. ЧӀухӀи гьабуге, гӀадатиял гӀадамазулгун гьудуллъи гьабичӀого тоге. Нужго гӀакъилал чагӀийилан, гӀамал кӀодолъун лъугьунге.

Гьелъул гӀаксалда: «Дур тушман вакъун вугони, чед кьун кваназаве, гьев къечон вугони, лъим кьун гьекъезаве. Нечезавун гьесул бетӀералда тӀаде цӀа рекӀарал тӀорччол гӀеркъалин дуца ралел ругел».

Нужее гӀазаб-гӀакъуба кьолесдаги баркат лъегиян абе. НагӀана кьечӀого, баркат лъегиян абе! Рохун ругезда цадахъ рохунги рукӀа, гӀодулел ругезда цадахъ нужги гӀоде.

Диналъул вацазул хӀажат тӀубан, нужер бугебги бикьун кье. Гьалбал хирияллъун рукӀа.

Масала, нилъер щивав чиясул буго гӀемерал лугбуздасан цолъараб цо черх, щибаб лагаялъулги буго гьелъ гьабизе кколеб иш. Гьедин нилъги, гӀемерал ругониги, МасихӀиде цолъун, цо черхлъун лъугьун руго, гьелъул щибаб лагаялъ цогидал лугбузе кумек гьабула.