Mistari Maarufu ya Biblia kutoka Коринфиязухъе тӀоцебесеб кагъат 2

Shirikisha

ТӀухьдуздаги хъван бугелъулха: «Лъилниги бералда бихьичӀебги, лъилниги гӀиналда рагӀичӀебги, лъилниги гӀакълу нахъгӀунтӀичӀебги къачӀан буго Аллагьас жив вокьулезе».

Жиндилъе РухӀ рещтӀинчӀев инсанас къабул гьабуларо Илагьияб РухӀалдасан бугебаб. Гьесие гьеб гӀантаб жолъун кколелъулха. Гьесда гьеб бичӀчӀизего бичӀчӀуларо, РухӀалдалъун гурони бичӀчӀизе рес гьечӀелъул.

Нилъеени Аллагьас жиндирго РухӀалдалъун загьир гьабуна гьеб. РухӀ сундулъего лъугьуна – Аллагьас цӀакъго бахчун таралда гъорлъегицин лъугьуна.

Нилъее щвараб РухӀ дуниялалъулаб гуро, Аллагьас нилъее кьурал нигӀматал нилъеда ричӀчӀизе гьесдасан бачӀараб буго.

Дир гаргаралъги хабаралъги нужее гьабураб асар – гьеб букӀинчӀо гӀакъилал рагӀабазул хӀасиллъун. Илагьияб РухӀалъул хӀалкӀолъиялдалъунги мугӀжизатаздалъунги лъугьана гьеб гьедин, – нужелъ гьеб божи-иман, инсанасул гӀакъиллъиялдалъун гуреб, Аллагьасул къудраталдалъун лъугьине.