Mistari Maarufu ya Biblia kutoka Римын улӥсьёслы 12

Shirikisha

Туала вапумысь улонлэн куронъёсызлы тупатскыны турттыса эн улэ. Нош тӥ асьтэлэсь лулдэс-сюлэмдэс выльдэ-воштэ, тодыны мед быгатоды: мае тӥлесьтыд Инмар возьма, кыӵе уж Солы ӟеч, ярамон, дун-шектэм луэ.

Озьыен, агай-вынъёсы, Инмар асьмеды гажа-жаля. Соин ик тӥледыз сюлворыса курисько: асьтэлэсь быдэс улондэс дун-сьӧлыктэм, ярамон карыса, курбонэз кадь Инмарлы сётэлэ. Та луэ, визьмын валаса, Инмарлы ужаса-тыршыса улон.

Оскиськонды ваньлы шумпотэ. Куректон-кайгу лыктыку, чидасесь луэ. Дугдылытэк вӧсяськыса улэ.

Уродлыклы вормыны эн сётӥськы, уродлыкез ӟечлыкен вормы.

агай-вынъёс кадь, гажаса ог-огеныды улэ; мукетъёссэ асьтэ сярысь умоесьгес луо шуыса лыдъялэ.

Яратонды чылкыт сюлмысьтыды потэмын мед луоз; урод ужез адӟонтэм каре, ӟечез борды лякиське

Быгатэмдыя вань адямиосын тупаса улэ.

Гажаноосы, тӥледлы урод лэсьтӥсьёслы пунэмзэ эн берыктэ, Инмарлэн вожпотонэзлы инты кельтэ. Гожтэмын уго: «Мон – пунэм берыктӥсь, Мон пунэмзэ берыкто, – шуэ Кузё-Инмар».

Тыршыса, дугдылытэк, духеныды ӝуатскыса, Кузё-Инмарлы ужалэ.

Инмарлэн сётэм дэлетэныз котькуддылы мон шуисько: кӧня сётэмын, солэсь вылӥе асьтэдыз эн пуктэ. Инмарлэн котькуддылы сётэм осконэзлэн мертэтэзъя, зӥбыт-востэм кариськыса, визьмо малпанэн улэ.

Нокинлы но уродлы пумит уродэн пунэмзэ эн берыктэ. Вань адямиослы ӟеч лэсьтон сярысь сюлмаське.

Куспады огкылысь, тупаса улэ. Асьтэдыз вылӥе эн пуктэ, востэмъёслэсь-зӥбытъёслэсь адӟем карыса улэ. Асьтэдыз асьтэос визьмоесь-йӧноесь шуыса эн лыдъялэ.

Тӥ лэсьтэ тазьы: «тушмонэд сютэм ке, сюд сое; сюэз куасьме ке, секта сое. Тазьы лэсьтыса, солэн йыр вылаз кисьтыны ӝуась эгыръёс дасялод».

Тӥледыз уллясьёсты-ултӥясьёсты бакель каре; эн юриське, эн каргаське, бакель каре. Шумпотӥсьёсын ӵош шумпотэ, бӧрдӥсьёсын ӵош бӧрдэ.

Вӧсяськисьёс шуге-леке сюрыку, соослы юрттӥське. Пыдйылчиосты гуртады вайыса сюдэ-вордэ.

Уго, кызьы одӥг мугорамы трос люкетъёсыз, но котькудӥзлэн люкетлэн аслаз кулэлыкез, озьы ик асьмеос но: асьмеос трос ӵошен, нош Христосэн огазе кариськиськомы ке, соку одӥг мугор кылдытӥськомы, нош нимамы ке – ог-огмылы пӧртэм люкетъёс луиськомы.