Mistari Maarufu ya Biblia kutoka Ефесын улӥсьёслы 1

Shirikisha

Сюлэмдылэсь синъёссэ мед югдытоз, тӥ мед тододы, кыӵе со оскиськон, кудаз Со тӥледыз ӧтиз. Макем бадӟым, дано вӧсяськись калыклэн басьтоно люкетэз, макем бадӟым, лыдъянтэм асьмелы, Инмарлы оскисьёслы, Солэн сётэм кужымез! Инмар Аслэсьтыз кужымзэ Христос пыр возьматӥз, Сое кулэмысь улӟытыса султытӥз но Инмысен Аслаз бурпалаз пуктӥз, котькыӵе кузёйыръёслэсь но кивалтонъёслэсь, кужымъёслэсь но кузёяськонъёслэсь, котькыӵе нимлэсь-данлэсь но таяз улон даурын гинэ ӧвӧл, вуонояз даурын но вылӥегес кариз.

Дунне кылдытонлэсь азьло Инмар асьмеды Христос бордын бырйиз, Аслаз азяз асьмеос дун-сьӧлыктэмесь, дун-шектэмесь мед луомы, гажан-жалянэн мед уломы шуыса. Аслаз ӟеч эрикезъя Иисус Христос пыр асьмеды Со азьвыл ик Аслыз нылпи карыны малпаз.

Яратоно Пиез бордысен, Солэн Вирыныз асьмеос сьӧлыкъёслэсь мозмытскимы. Солэн туж бадӟым гажан-жалянэз ванен сьӧлыкъёсмы куштӥськизы.

Данъямын мед луоз Инмар, Кузё-Инмармылэн Иисус Христослэн Атаез. Асьмелы Христос бордын Инмысь котькыӵе но духовной ӟечлыкъёс сётыса, Со асьмеды бакель кариз.