Mistari Maarufu ya Biblia kutoka II Corinthiens 1

Shirikisha

Tôkumédéni Tétasô n’anyô Nzambé na Kumu asô n’anyô Jésus‐Christ. Angô te Tétee atôétsa éetso gô ngeba yedi gébé na ninga. Angô te Nzambé atôsuméda mitéma gô ndéô yetso. Angô atôsuméda mitémamie gô maguga metso meena wa n’anyô gômbe na wa n’anyô tôngamenya émogeda akasô mbe asuméda dôta mitéma miaô gô maguga meenahngô. Vane wa n’anyô tôkea tôkewanyéda n’ahngô moonga gô mane mawedéô wa n’anyô na Nzambé gô ndéô émabaka wa n’anyô na panda.

Mônongovo gandé wa n’anyô gô maguga mamabaka Jésus‐Christ, mônongovo dôta amuene Christ atômogeda gôéwanyéda n’asô n’anyô moonga gô magugame mameenakangô.

We tômaniki émenya mbe maaki we makôdi. Tambô émabaka nane gôétôtubéda mbe môma asoongôa ékusa gô panda amuene, ivô ngudiye yetso dindé na Nzambé, ône akundua ane amawani.

Na te amuene Nzambé asapatani ameetsa wa n’anyô monyo ôvo na Christ. Te amuene Nzambé amatôsevoani amatôétsa ényangee éedi. Te Nzambé amatôétsa ndémbô éainedi. Angô dôta amayuéséda mitéma miasô n’anyô na Gédidi sedi gétôtubéda mbe tôndé na tsoongo va mbene aNzambé na mbe tôngadiia metso mamavanga angô gôndé wa n’anyô.

Menyani mbe ébandôe éamagugame matôenani te mbe tôngasumédu mitémamie na tôngeetsô géobogeo na amuene Christ. Okô mbe we eekédie tômogedu na Nzambé gôésumédu mitémamie, te mbe we tônganômogeda dôta na anye nôngasipa na ôbibô na môvinéné gô magugame manyô, te mavo na mane meena we éva.