Mistari Maarufu ya Biblia kutoka Marku 7

Shirikisha

Ristikanzaspäi, hänen sydämespäi lähtietäh pahat duumat, karguanduruavot, varrastukset, tapandat, vierahan akanke maguandu, ahnehus, pahus, muanittelendat, vällil veriälöil eländy, kadehus, pahat paginat Jumalah näh, ylbevys da mielettömys. Kai tämä pahus tulou ristikanzaspäi i pahendau händy.»

Ristikanzua ei voi pahendua ni mi, mi tulou häneh ulgonpäi. Pahendau ristikanzan se, mi tulou hänespäi. [

Häi vastai heile: «Hyvin ennusti Isaija teih näh, työ heittelehtijät! Onhäi Jumal sanonuh Pyhis Kirjutuksis: – Tämä rahvas pidäy Minuu hyvänny vai kielel, a heijän syväin on loitton Minuspäi.

Tyhjiä hyö kumardellahes Minule, ku opastetah rahvahien luajittuloi käskylöi, buiteku net oldas Minun.

Työ hylgiättö Jumalan käskyn da novvatto tuattoloin ennevahnallizii opastuksii [moizii, ku savipadoin da juondumal՚l՚oin pezendiä, da azutto äijän muudu sen mostu].»