Mistari Maarufu ya Biblia kutoka Iivan 15

Shirikisha

Minä olen viinumuarjupuu, työ oletto oksat. Se, ken pyzyy minus da kes minä pyzyn, kazvattau äijän muarjua. Minuttah työ etto voi luadie nimidä.

Pyzykkiä minus, i sit minä pyzyn teis. Eihäi oksu voi kazvattua muarjua, ku se ei olle kiini puus, mugai työ etto voi luadie nimidä, ku etto pyzyne minus.

Ku työ pyzynettö minus, a minun sanat pyzytänneh teis, pakikkua midä vai tahtotto, sen työ suatto.

Etto työ minuu vallinnuh, a minä valličin teidy, i minun tahto on se, ku työ menizittö da kazvattazitto muarjua, sidä muarjua, kudai säilyy. Ku muga ruadanetto, Tuatto andau teile kaiken, midä minun nimes Hänel pakičetto.

Ei ole suurembua suvaičustu, ku andua oma hengi dovariššoin puoles.

Häi harvendau minus kai oksat, kudamih ei kazva muarjua, da joga oksas, kudamah kazvau muarjua, Häi leikkuau liijat bokkuoksat, anna kazvau vie enämbi muarjua.

Minun käsky on moine: suvaikkua toine tostu, kui minä suvaičen teidy.

Sih luaduh tulou nägevih minun Tuatan taivahalline valgei, ku kazvatatto äijän muarjua i nenga ozutatto: työ oletto minun opastujat.

«Minä olen tozi viinumuarjupuu, a minun Tuatto on viinumuarjupuun kazvattai.

Se, ken ei pyzy minus, on ku katkennuh oksu: se lykätäh iäre, i se kuivau. Kuivat oksat kerätäh da lykätäh tuleh, i net paletah.

Sanelin teile tämän, ku teis olis minun ilo da teijän ilo tulis tävvekse.

Ku noudanetto minun käskylöi, työ pyzyttö minun suvaičukses, kui minä novvin Tuatan käskylöi da pyzyin Hänen suvaičukses.

Tämän käskyn minä annan teile: suvaikkua toine tostu.»

Ku työ kuuluzitto täh muailmah, muailmu suvaiččis teidy kui omii. No työ etto kuulu muailmah, ku muailmaspäi minä olen teidy vallinnuh omikse, i sendäh muailmu vihuau teidy.