Mistari Maarufu ya Biblia kutoka TĨĨGI WERE 37

Shirikisha

Josef lwaʼa, day kal age bag lwaʼge sen ne hẽẽre ɓen wo, saara yaʼ wer caa ge heen wo ciŋ pel ni tigriŋ so.

Israyel hay da Josef dedaŋ weere ma lan wo ɓuy werga á biŋn go nen tããbe. Á hay caa õõbe ma de yerge ne hẽne.

Hẽẽre ɓen kon wo ga à dan dedaŋ saara mono, kal wo caa hee de ɓe. Á bay wo wãã wããre ne hẽn desãy wa.

Á kal lwaʼ lwaʼge ma tigriŋ pa, kal bag blam ɓe ne hẽẽre ɓen wo. Á ga : Ndi lwaʼ tigriŋ pa! Ndi ko nà wur wo de few, gér wo ni hwal ti boŋ lay leɗ wo monɗra me pele.

Hẽẽre ɓen kal wo kolge de hun see ɓe, ama pan ɓe kal ɗaw fẽẽre sen wo ti ɓe.

Á wii ra ga : Coʼ we sug lwaʼge maga ndi lwaʼn mono! Naa ɓil pay de saɗ coore ble. Ko nà coore ble ma ɓi ma de saʼgen kal urgi go deele, ma ɓayn kal wo age cir ti ɓe, leɗ wo monɗra pel ɓe.

Á we le, patala naa ʼwarn we go, ni naa ɓoʼn we go ɓi gutug po. Naa wãã ge ga này ma de hãã po joŋ baan go, ni naa koge ɗa so lwaʼge ɓen kol ge wo may laybla no.

Hẽẽre ɓen kal wo laa jag ɓe. Jar trere jar Madiyaŋ po kal wo heege, saara kal fũŋ Josef naan wo le go ɓi gutug no. Á kal wo yeege ɓe wo go nen boo solay doo ɓog ne jar Ismayel wo, saara raw de ɓe Ejipte.

Á wii wo kããra ga : Je lwaɗgen day le mo caw no.

Á kon wo le hãã caw, de maga á bay nduugi go ɓiŋ ɓaara mbaŋ ɗa mono, saara kal tay jag go ti ɓe ga á nduu we la ni saara mo ʼwarn go.

Ruben wii ra ga : Kaa we cíi go wa hase. Ɓoʼn we ɓi gutug ma ti puulin wo mo kaʼ no, ni nday duʼ we doo ne hẽn se wa hase. Ma ti ɗiggi ɓen hay diŋ ga se mo yããn go doo ɓaara yaa ni se fern ne pan ɓe.