Mistari Maarufu ya Biblia kutoka Romafo 12

Shirikisha

Na monnyɛ mo ho sɛ wiase yi, na mmom momfa adwenem foforoyɛ nsakra mo ho, na moasɔ nea Onyankopɔn pɛ a eye, na ɛsɔ ani, na ɛyɛ pɛ no ahwɛ.

Enti, anuanom, migyina Onyankopɔn mmɔborohunu so mitu mo fo sɛ momfa mo nipadua nsi hɔ sɛ afɔre a ɛte ase a ɛyɛ kronkron a ɛsɔ Onyankopɔn ani a ɛne mo nyamesom a adwene wɔ mu no.

Momma mo ani nnye anidaso mu, ahohia mu montɔ mo bo ase, munkura mpaebɔ mu ara!

Mma bɔne nnni wo so nim, na mmom fa papa di bɔne so nim!

Momfa onuadɔ nnodɔ mo ho yiye, munni kan nnidi mo ho ni.

Mommma nyaatwom mmfra ɔdɔ mu! Munkyi bɔne, mommata papa ho!

Sɛ ebetumi a, mo fam de, mo ne nnipa nyinaa ntena asomdwoe mu.

Adɔfo, monntotɔ mo ho were, na mmom munnyaw mma Onyankopɔn abufuw! Na wɔakyerɛw sɛ: Me na aweretɔ wɔ me, me ara metua ka, Awurade na ɔka saa.

Monnyɛ mmɔdemmɔ mu nyaa, monyɛ honhom mu hyew, monsom Awurade!

Na menam ɔdom a wɔde adom me no so meka mekyerɛ mo mu biara sɛ onnnwen nntra nea ɛsɛ sɛ odwen, na mmom onnwen anidahɔ adwene, sɛnea Onyankopɔn asusuw gyidi akyekyɛ de ama obiara no.

Mommfa bɔne nntua obiara bɔne so ka! Monna nnwen nneɛma a ɛyɛ fɛ nnipa nyinaa anim!

Mo nyinaa nnya adwenkoro; mommmoma ho so, na mmom momma ahobrɛasede mfa mo! Mummmu mo ho anyansafo!

Enti sɛ ɔkɔm de wo tamfo a, ma no aduan! Sɛ osukɔm de no a, ma no biribi nnom! Na saayɛ na wode bɛboaboa nnyansramma ano agu n’atifi.

Munhyira wɔn a wɔtaa mo, munhyira, na monnnome! Mo ne anigyefo ani nnye, na mo ne asufo nsu.

Momma ahotefo hia nhia mo bi, mommɔ ahɔhoyɛ ho mmɔden!

Na sɛnea yɛwɔ ɔhonam akwaa bebree nipadua koro mu, na ɔhonam mu akwaa no nyinaa nni adwuma koro no, saa ara nso na yɛn a yɛyɛ bebree no yɛ nipadua koro, Kristo mu, na yɛn nyinaa yeyɛ yɛn ho akwaa mmiako mmiako.