Mistari Maarufu ya Biblia kutoka Mathew 13

Shirikisha

Pa ilone me savur ti alo matai tano, ineia nan we roŋotag o vavae, wa we lolomaran apena; iloke we uwa ran nake, wa we ge raka tuaniu melnol, wa o tuaniu saŋavul laveatea, wa o tuaniu saŋavul tol.

Wa ilone me savur ti alo molmol, ineia nan we roŋotag o vavae, pa o gene valeŋai ŋaŋ talo marama iloke, wa o galeva tape tar valeŋaleŋa, we gis goro o vavae, wa ti wegowego.

Isei qe roŋotag o vavae tape marana wa gate lolomaran apena, i ganganor qara mule ma, wa ti wosag ilone me savur ti alo toqana: iloke ineia me savur ti a pan matesala.

Pa ilone me savur ti avune warevat, ineia nan we roŋotag o vavae, wa te taur gaplot mun o lakalaka: pa o gariu tagai alo ineia kel, wa we toga galewora, pa alo ganawono qe wonot, si o koskos gap ape vavae, rigrig ni te tutuag.

Mulaŋ, o marana ta vunana we tama o som me vatŋorag ti alo tuqei, wa isei we ilo suar, ti vatŋorag pata mulaŋ, wa ti malakalaka apena, ti mule ti ŋarag reag pulan o savasava ŋaŋ, ti wol o tuqei ilone mun tuqena.

Wa o tuaniu me masu ilo matai tano; wa me uwa o woai, iloke melnol, iloke saŋavul laveatea, wa iloke saŋavul tol.

Tur ukegira neira poa tuwale galtag gai niŋa o gorogoro; wa alo qoŋ gorogoro nau te vava mura gorogoro wa, Tur gir amoa o sisania, wa rot tuwale o rotiu ape siŋ tagea, pa sogon o korn ilo nok o qea.