Mistari Maarufu ya Biblia kutoka Lûk 3

Shirikisha

Ghɛ nə ghɨnə tè piə kyànə za, mə Njɔyn tè nyi mə è və fo mɨ̀sè môm sê ghɨə, tuʼfîfe, Njisə̀s ə pə̀, è və pɔŋɔ fo m̀mo sê vəyn. È ve sè tsə̂mə̀, ke nyi, kwùtwəynve ə chwìə. Zuʼse Ŋwaʼase ə tso pə̂ ə və tu, kyàʼà kə kə akwɨ̀l, kyə̀ ə fɨə ekwùtwəyn piə nə, “Ə̀ nyi ke nâʼà ghò Vayn èkɔ̀ŋ vɨ̂m, m saŋnə̂ kûmə̀ ghò sə nɨŋ.”

Njɔyn ə piə kə sê ghənə əkɨ̂m nə, “M fo m̀mo sê ghàyn kè nâʼà è mômə tsòm, pîza wùə pə̂ ndò ə mi epàm tsɛ̂ mi, m kwənə pi va se zhə̂nə̀ se kwɨ̀l sə sepfɨ sə ghòl sə vəynse, è tə nə̀ ə è və fo m̀mo sê ghàyn è Zuʼse Ŋwaʼase è kɨ̂sè èwuse.

Ghàyn muə ètwɔm ə ghàyn etsɨsə̂ se tyə̀yn nə ghàyn ə kwiyne təm ghayn ghe pighe. Kə ghàyn ə kwàʼtə̀ kə nə ghàyn kàʼa ə ghàyn tə ngəʼ ə̀ Fèzhə̀ nə zɛ kè kûmə̀ nə ghàyn piə nə, ghàyn nyi əghɔ ghɔnə sê Aplàghâm. M tsâ sê ghàyn nə Zhə̀fè kàʼa ə fe nə̀yn, ə chi ghɨnə kɛse sə əghɔyn, ə è fo sê Aplàghâm.

Njàm nyîə nyi è pɨaʼtêzè se kwə̀lə̂m mkaʼ ə te ghàŋ. Ə faŋ pî fèkâʼ fè kè se mu etwɔm echûŋvè, ə kwə̀ mâʼà ewùs.”

E tè nyi ke eghɨ kə fɨ̀aʼtè Èsayà tè nyaʼ nə: “wùə vɛ è ndàʼà ə endaʼ ashəshəe nə, Ghàyn fɛte ndom ə Pɛ̂pɛve; ghàyn nə̀yn ndômnə̀ mə Və̂ynmè, ə m̀ mə nânə̀. Naʼapi afɔŋne àkè kyi se lwiyn, ə pfɨyn seghaʼâsè è se tətə̂sè tso. Ndomte ngɔynəte kyi sə̂ nânə̀, nə ə pfɨse pɔ̂pɔ̀ʼɔ̀m ə tendom nâʼà tèkɨ̂m kə luʼ tekɨ̂m ə nyi tèpa. Naʼapi ndè tə fe èsɔ̂sè zɛ Zhə̀fè tə pə̂ è zəynze.”