Mistari Maarufu ya Biblia kutoka LUQAASI 7

Shirikisha

Kunnira lowo baxille leellishinohura lowoha cubbose agurroonni. Shiima cubbo agurrannisihu kayinni shiima geeshshalla baxanno» yiisi. Hakkunni gedensaanni Yesuusi manchote, «Cubbokki agurroonnihe» yiise.

Yesuusi kayinni manchote, «Ammanakki gatissinohena keerunni ha'ri» yiise.

Yesuusira badheenni lekkasi mule uurrite wi'litanni lekkasi hindiiddotenni shanshite, umise dananchinni fiite lekkasi sunqitanni aanaho shitto duntu.

Ani nafa atewa daate di"ikkoommoho. Kunnira ati hakko heedhe mitto qaale coyi'rittoro soqqamaanchi'ya huranno. Ani umi'ya gashshaanote hajajameemmoho; anerano hajajeemmo olanto nooe. Insa giddonni mittu, ‹Ha'ri!› yuummoro ha'ranno; woleno, ‹Amo!› yuummoro daanno. Soqqamaancho'ya, ‹Konne assi!› yuummoro assanno» yii. Yesuusi konne coye macciishshe dhaggeeffate, hoodesi ha'ranni noo manna caaqqi yee lae, «Halaale kuleemmo'nena, togoo amma'na afi'rinoha Israeelete giddo nafa afe diegennoommo» yiinsa.

Hattenne yannara Yesuusi addi addi dhibbinni amadamino manna hursi; bushu ayyaani amadinoreno hursi; lowo illiweelootano ille fani. Yesuusi Yohaannisi sokkaanora, «Hadhine la'inoonnirenna macciishshitinoonnire baala Yohaannisira kullesi. Ballootu la'anno; naafootu uurrite hadhanno; dhiigaammu keeraabbanno; macciweelootu macciishshitanno; reyitinori ka'anno; buxanete Dancha Duduwo kullanni.