Mistari Maarufu ya Biblia kutoka SOQQAMAASINETE LOOSO 17

Shirikisha

Maganu hatto assinohu mannu iso hasi'rannonna xiinxalle iille afi'rannosi gedeeti. Ikkollana isi ninkewiinni dixeerti'rino.

Isi mitto mancho kalaqe sirchosi halashshe, gobba baala wo'manno gede assino. Kunni mannira hee'ranno diro bikke, dannano qase worino.

Alamenna giddose noore baala kalaqino Magani, gordunna baattote Mootichaati. Isi mannu minino mine dihee'ranno.

Isi doodhino manchi widoonni qole manna baalaho halaalu yoo yaanno barra hirqino. Konne coye manna baalaho egensiisinohu, isi doodhinoha reyotenni kayiseeti» yii.

Xa ninke isi ooso ikkinummoro, ‹Magano mannu ogimmanninna hayyonni daashshine seekkinoonni culka woy birra, qoleno kincho bonce seekkinoonni uduunnicho lawanno› yine heda dihasiissanno.