Mistari Maarufu ya Biblia kutoka ലൂക്കോസ് 22

Shirikisha

<<അപ്പ, ണിനാക്ക് പിര്യ ഇര്‌ന്ത എനാക്ക് ബര്യ പോര കജട്ട എങ്ക ഈ സെമ്പ്‌ണ എന്നോഡിര്‌ന്ത് ബിലാക്കി തരുഡോമെ. ആനാല്‌മ് എന്ന് പിര്യല്ല, ണിന്ന് പിര്യപഡി ണഡാക്കുഡൊ.>>

ആന സീമോനെ, ണിന്ന് ണമ്പിക്കെ പോഗാദിര്‌ക്ക്യ ണാന് ണിനാക്ക് ബേ്ണ്ടി പരേസിനെ. ണീ മനേസ്സ് മാറി തിലിമ്പി എന്ന് സാരി ബര്‌ഗാട്ടി ണിന്ന്‌ദൊപ്പ ഇര്‌ക്ക ഏസുക്കാറാര്‌ദ് ണമ്പിക്കേന ഒറേപ്പുള്ളാദ് ആക്കുഡൊ.>>

പ്‌റ ഏസു അഡേന എ്ഡ്‌ത്ത് സാമിക്ക് ണണ്ണി സൊല്ലി മുറുത്ത് അവാര്‌ക്ക് കൊഡുത്തിര്‌ന്ത്: <<ഇദ് ണിമാക്ക് ബേ്ണ്ടി തര എന്ന് സരിഗല. എനാണ ണെനേക്ക്യ ബേ്ണ്ടി ണിമ്മ ഇദേപാസെ സെയ്‌രി>> എന്ത് സൊന്നാ്.

അദേപാസെ തീനി തിന്ത് തീന്ത പ്‌റ ഊറിന മുന്തിരി സാര ഇര്‌ക്ക സെമ്പ്‌ണ എ്ഡ്‌ത്ത് ഇച്ചെ സൊന്നാ്: <<ഈ സെമ്പിലിര്‌ക്ക മുന്തിരി സാര സാമി മന്‌സാരോഡെ ബെക്ക പുദ്യ ഒപ്പ്‌കെ്ട്ട്‌ക്കുള്ള എന്ന് സോരെന കാട്ട്‌ദ്. ണിമാക്ക് ബേ്ണ്ടി സൂസിനാദ്‌ത്തെ എന്ന് സോരെ.

പ്‌റ ഏസു ഉജുറുക്ക് മുട്ടുസ്‌ഗാട്ടി, ണെഞ്ച് ണുറ്‌ങ്കി പരേസിനാ്. അക്കുളെ ഏസുദ് ഉരിതണ്ണി സോരെ ഗബഗബാത്ത് ഒഗുറ പാസെ മണ്ണ്‌ക്കെ സൊട്ടിറ്റ്.

ആന ണിമ്മ അച്ചെ സെയ്യ ബേ്ഡ. ണിമ്മ് കൂട്ടാത്തിലി ബെല്ല്യവാ് സിന്നവാന പാസേമ് തലെവാ് ആയിര്‌ക്കവാ് പണ്ണ്യ ബേലെക്കാറാന പാസേമ് ആയിര്‌ക്കുഡൊ.

അക്കുളെ ഏസു പത്ത്‌റോസ്‌ക്കെ: <<ബെഡ്യകാല ജാമാക്ക് കോയി കൂഗുറാദ്‌ക്ക് മുദ ണീ എനാണ തെര്യാഗെ തെര്യ എന്ത് മൂണ് ജമ്പ് സൊല്ലുവെ എന്ത് ണാന് ണിനാക്ക് സൊല്ലുറെ>> എന്ത് സൊന്നാ്.