Mistari Maarufu ya Biblia kutoka Omoŋ Korontoosuk 12

Shirikisha

Ege tigi yaaŋɛtoŋk sinɛ gaɓɛr Wɛɛŋa sigɔ Geetitaanak tɔkɔny joopa a omoŋ omoŋ.

Iinak ɓɔrɔ ɛɛk Kereseek, iinak a omoŋ omoŋ iinak nyonitaak ɛɛk nɛɛkik.

Ɔkɔn rakatɛ nyon ɛɛkoŋk sinɔ omoŋɔŋk, nɛɓɔrɛ rakatɛr nyonitaak ɛɛkoŋk ɔgɔɔk baŋɛ a sɛɛn agut omoŋ. Ɔkɔn eemɛyɛɛ nyon ɛɛkoŋk sinɔ omoŋɔŋkuŋ, nɛɓɔrɛ eemɛyɛɛ nyonitaak ɛɛkoŋk ɔgɔ a sɛɛn agut omoŋ.

Gaɓɛr Wɛɛŋa sigɔ Geetitaanakik sigɛ omaanakŋɔŋk eta omalta toni pɛɛni ɗegerɔn sinɔ dugaaŋɔŋk, ma eta omalta toni pɛɛni ɗegerɔn ɛɛkoŋk, ma eta omalta gaɓɛ ŋaadiyɛ sigɔ kaalɛrŋɔŋk, ma eta omalta tigi ebɔdɛɛtoŋk, ma gaɓɛr eta omalta ɓaŋkawuka sinɔ ijaagiɗ sɔɔriyɛɛk, ma eta omalta toni pɛɛni pɛrkaakoŋk, ma eta omalta oolan sinɔ pakatiiɗ Wɛɛŋa sigɔ Geetitaanakik a sigɔ somkaanakik, ma eta omalta toni atutunɛɛkɛ sigɔɔgɛ tɔɔmɔkuk, maɓɔrɛ eta omalta oolan sinɔ doomɛɗɛɛ sinɔ tonɛɛ atutunɛɛkɛ sigɔɔgɛ tɔɔmɔkuk.

Ege sigi Wɛɛŋa omaanakiŋ dakɛɗa sigɛ gaɓɛr joopa baŋɛ tigiyak sigɔ ɓɛɛlɛr kundiyaakɛk oko sinɛ ɗɛyɛrɗik.

Ijaagɓa sini kɛnɔ kat lakɛ ɗaakan nyonitaakɛ ɛɛkoŋk kɔɔr, a ijaagɗi a kokoɓar ɛkan gɛŋk.

Lakɛ tigiyak Wɛɛŋa sigɔ Geetitaanakik a ɓɛɛlɛr kundiyaakɛ, mayakana ege Wɛɛŋa sigɔ Geetitaanakik omoŋ. Lakɛ ijaagak a ɓɛɛlɛr kundiyaakɛ, mayakana ege Suumii omoŋ. Lakɛ komoyɛ ijaagakoŋk a ɓɛɛlɛr kundiyaakɛ, mayakana Waakoyo omoŋ sinɛ gaɓɛ oolanak joopa baŋɛ ijaagaka gɛŋkik.

Daamɓa Waakoyot godeey Sambatɛyoŋk joop a omoŋ omoŋ, tuki nɛɛkɛ wosɛytaanak, pɛɛyeene nɛɛkɛ joop pɛrkaakoŋk, jiiteene nɛɛkɛ rɔɔriytaanak, a joop sigɔ ijaagir sɔɔriyɛɛk, a sigɔ latu tigi ebɔdɛɛtoŋk, a joop sigɔ latu tigi sinɔ kɔnyɛɗɛɛ joopuk, a joop sigɔ latu oolan lowiiɗoŋk, pediya nɛɛka joop sigɔ latu oolan sinɔ tonɗiiɗɛɛ ad sinɔɔnɛ tɔɔnuk.

Ijaagɛɛɓa ɛɛk nyonitaakɛ ɛɛkoŋk sigɔɔgɛ ɓɔɔkaaŋɔŋk, ma mokoɓa eek sinɔɔnɛ omoŋɔŋk dakɛɗa. Moko ege nyon ɛɛkoŋk ɛɛk baŋɛ.

Ɗɛyɛ aasi a kaalɛŋ nyonitaak ɛɛkoŋk sigɛ dɛnɛɛ sɛɛg a gayi a bɔɔlaaŋɔŋk.

A ɔkɔnɓa ege ɛɛk baŋɛ taamaŋ, nɛgun tiiɗikɛɛ jikoy? A ɔkɔnɓa ege ɛɛk baŋɛ weenaŋ, nɛgun eeŋaɗaakɛ jikoy? Yakanakɔ sisɔ ijaag Waakoyot oko sinɛ ɗɛyɛɛɗik kɛnɔ in nyonitaak ɛɛkoŋk a omoŋ omoŋ gaamur nyon nɛŋk sinɔ dɔɔsuk. Ɔkɔnɓa ege ɛɛk nyon ɛɛkoŋk omoŋ, nɛ gunɓa laŋɛɛ ɛɛk baŋɛ eet?