Mistari Maarufu ya Biblia kutoka कुलुस्सियों 1

Shirikisha

परमेसर आपान्अ सेतान की सक्‍ती सुं छुड़ार खुदका लाड़ला पुत का राज मं लेर आग्यो।

क्युं क बीसुं ई परमेसर सबळी चीजान्अ बणायो छ। चाये सरग की हो या फेर धरती की हो, चाये दिखबाळी हो या फेर कोन दिखबाळी हो, अर चाये सिंगासन हो, मालिक हो, राजा हो, या फेर अधिकारी हो। सबळा बीसुं रचेड़ा छ अर बीक्अ बेई रच्या गिया छ।

सबळी चीजान्अ बणाबा सुं पेली मसी छो। अर सबळी चीजान्अ सम्भाळबाळो बी वोई छ।

मसी कोन दिखबाळा परमेसर को दिखबाळो रुप छ। वो सबळी चीजा मं पहलो छ। अर सारी सृष्टी मं सबसुं बड़ो छ।

जी दन सुं म्हे थांका बारा मं सुण्या छा बी दन सुं थांक्अ बेई परातना करबो कोन्अ छोड़या। म्हाकी परातना या छ क परमेसर बीकी मनसा का ज्ञान सुं पुरा आत्मिक ज्ञान अर समझ की लार थान्अ भर देव्अ। जिसुं थे बीकी महमा भरी पूरी सक्‍ती सुं तगड़ा हो जाओ। अर सबळा चोखा कामा मं फळता अर परमेसर का ज्ञान मं बड़ता होया परबु क लायक जी सको। अर बिन्अ सब बाता मं राजी कर सको। जिसुं थे सबने सहन कर सको अर सब दसा मं धीरज रांख सको। अर राजी होर परमेसर बाप न्अ धन्यवाद दे सको। ज्यो थान्अ उजाळा का राज मं परमेसर का मनखा की लार वारिस क लायक बणायो छ।