Mistari Maarufu ya Biblia kutoka ಲೂಕೆ 7

Shirikisha

ಇಂಚ ಉಪ್ಪುನಗ ಯಾನ್ ಪನ್ಪಿನಿ ದಾನೆಂದ್ಂಡ ಮೋಲು ಮಲ್ತಿ ಪಾಪ ಮಸ್ತ್ ಆಂಡಲಾ ಅವು ಮಾಪು ಆತ್ಂಡ್. ನೆಕ್ಕ್ ಕಾರಣ ಆಲ್ ತೋಜಾಯಿನ ಪ್ರೀತಿಯೇ. ಆಂಡ ಏರೆಗ್ ಒಂತೆ ಮಾಪು ಆತ್ಂಡ ಆಯೆ ತೋಜಾಯಿನ ಪ್ರೀತಿಲಾ ಒಂತೆನೇ ಆದುಂಡು.” ಬೊಕ್ಕ ಆಯೆ ಆಲೆಗ್, “ನಿನ ಪಾಪೊಲು ಮಾಪು ಆತ್ಂಡ್,” ಅಂದ್‌ದ್ ಪಂಡೆ.

ಆಂಡ ಆಯೆ ಆ ಪೊಂಜೊವುಗು, “ನಿನ ನಂಬಿಕೆನೇ ನಿನನ್ ರಕ್ಷಣೆ ಮಲ್ತ್ಂಡ್, ಸಮಾಧಾನೊಡು ಪೋಲ,” ಅಂದ್‌ದ್ ಪಂಡೆ.

ಪಿರವುಡು ಆಯ ಕಾರಕೈತಲ್ ಉಂತುದು; ಬುಲ್ತೊಂದು ತನ ಕಣ್ಣೀರ್‌ಡ್ ಆಯ ಕಾರುಲೆನ್ ಚಂಡಿ ಮಲ್ತ್‌ದ್ ತನ ತರೆ ಕುಜಲ್‌ಡ್ದ್ ಒಚ್ಚಿದ್ ಐಕ್ ಮುತ್ತು ಕೊರ್ದು, ಆ ಎಣ್ಣೆನ್ ಪೂಜಿಯಲ್.

ಈ ಕಾರಣೊಡ್ದು ಯಾನ್ ನಿನ ಕೈತಲ್‌ ಬರಿಯೆರೆ ಪಿರ ನರ್ಗಿಯೆ. ಆಂಡ ಈ ಒಂಜಿ ಪಾತೆರ ಪನ್ಲ, ಎನ ಬೇಲೆದಾಯಗ್ ಗುಣ ಆವು. ಯಾನ್ಲಾ ಬೊಕ್ಕೊರಿಯನ ಅಧಿಕಾರದ ಉಲಯಿ ಉಪ್ಪುನಾಯೆ. ಎನ ಕೈ ತಿರ್ತ್‌ಲಾ ಸಿಪಾಯಿಲು ಉಲ್ಲೆರ್; ಯಾನ್ ಅಕ್ಲೆಡ್ ಒರಿಯಗ್ ‘ಪೋ,’ ಪಂಡ್ಂಡ ಪೋಪೆ. ಬೊಕ್ಕೊರಿಯನ್ ‘ಬಲ,’ ಪಂಡ ಬರ್ಪೆ. ಎನ ಬೇಲೆದಾಯಗ್ ಇಂಚಿತ್ತಿನೆನ್ ಮಲ್ಪು,” ಪಂಡ್ಂಡ ಮಲ್ಪುವೆ. ಯೇಸು ಉಂದೆನ್ ಕೇಂಡ್ದ್ ಆಯನ ಬಗೆಟ್ ಅಚ್ಚಿರ ಆದ್ ತನ ಪಿರವುಡು ಬರೊಂದಿತ್ತಿನಾಕುಲೆಗ್ ತೂದು, “ಯಾನ್ ಇಂಚಿತ್ತಿ ಮಲ್ಲ ನಂಬಿಕೆನ್ ಇಸ್ರಾಯೇಲ್ ಜನೊಕುಲೆಡ್ಲಾ ತೂತುಜಿ ಅಂದ್‌ದ್ ಯಾನ್ ನಿಕ್ಲೆಗ್ ಪನ್ಪೆ,” ಪಂಡೆ.

ಆ ಗಳಿಗೆಡ್ ಆಯೆ ಮಸ್ತ್ ಜನೊಕುಲೆನ್ ಸೀಕ್‌ಲೆಡ್ದ್, ದೆವ್ವದ ಉಪದ್ರೊಲೆಡ್ದ್, ದುರಾತ್ಮೊಲೆಡ್ದ್ ಬುಡ್ಪಾದ್ ಗುಣ ಮಲ್ತೊಂದಿತ್ತೆ; ಬೊಕ್ಕ ಮಸ್ತ್ ಜನ ಕುರುಡೆರೆಗ್ ಕಣ್ಣ್‌ನ್ ಒದಗಾದ್ ಕೊರಿಯೆ. ಇಂಚ ಉಪ್ಪುನಗ ಆಯೆ ಅಕ್ಲೆಗ್, “ನಿಕುಲು ಪೋದು ತೂದು ಕೇಂಡಿನೆನ್ ಮಾತೆನ್ ಯೋಹಾನಗ್ ತೆರಿಪಾಲೆ. ಕುರುಡೆರೆಗ್ ಕಣ್ಣ್ ತೋಜುಂಡು, ಕುಂಟೆರೆಗ್ ಕಾರ್ ಬರ್ಪುಂಡು, ಕೊಷ್ಟದಾಕುಲು ಶುದ್ಧ ಆಪೆರ್, ಕೆಪ್ಪೆರೆಗ್ ಕೆಬಿ ಕೇನುಂಡು. ಸೈತಿನಾಕುಲು ಲಕ್ಕುವೆರ್, ಬಡವೆರೆಗ್ ಸುವಾರ್ತೆ ಸಾರುಂಡು.