Mistari Maarufu ya Biblia kutoka 1 ಕೊರಿಂಥ್ಯೆರೆಗ್ 13

Shirikisha

ಪ್ರೀತಿ ತಾಳೊನುಂಡು; ಪ್ರೀತಿ ದಯದಾಕ್ಷಿಣ ತೋಜಾವುಂಡು; ಪ್ರೀತಿ ಮಚ್ಚರ ಪಡೆವುಜಿ; ಬೂಟು ಮಲ್ಪುಜಿ; ಉಬ್ಬೆರೊನುಜಿ; ಪ್ರೀತಿ ಮರ್ಯಾದಿ ತೆಟ್ಟ್‌ದ್ ನಡಪುಜಿ, ತನನೇ ನಾಡುಜಿ; ಕೋಪ ಮಲ್ತೊನುಜಿ, ತಪ್ಪುಮಲ್ತಿನೆನ್ ಮದಪುಂಡು.

ಪ್ರೀತಿ ಮಾತೆನ್ಲಾ ಮನಸ್‌ಡೇ ಸಹಿಸೊಂಡು, ಮಾತೆನ್ಲಾ ನಂಬುಂಡು, ಮಾತೆನ್ಲಾ ಭರವಸೆ ಮಲ್ಪುಂಡು, ಮಾತೆನ್ಲಾ ತಡೆತೊನುಂಡು.

ಅನ್ಯಾಯೊನು ತೂದು ಸಂತೋಷ ಮಲ್ಪಂದೆ, ಸತ್ಯೊಗು ಜಯ ಆಪಿನೆನ್ ತೂದು ಸಂತೋಷ ಮಲ್ಪುಂಡು

ಇತ್ತೆ ನಂಬಿಕೆ, ಭರವಸ, ಬೊಕ್ಕ ಪ್ರೀತಿ, ಉಂದು ಮೂಜಿ ಮಾತ್ರ ಒರಿಯುಂಡು. ಆಂಡ ಐಟ್ಟ್ ಮಾತೆಟ್ಟ್ ಮಲ್ಲವು ಪ್ರೀತಿಯೇ.

ಪ್ರೀತಿ ಏಪಲಾ ಬೂರ್ದು ಪೋಪುಜಿ, ಪ್ರವಾದನೆಲಾಂಡಲಾ ಉಂತುದು ಪೋವು; ಬೇತೆ ಬೇತೆ ಭಾಷೆಲು ಮುಗಿಯು, ಗೇನಲಾ ಆಳಿದ್ ಪೋವು.

ಯಾನ್ ನರಮಾನಿಲೆ ಭಾಷೆಲೆನ್ಲಾ ದೂತೆರೆ ಭಾಷೆಲೆನ್ಲಾ ಪಾತೆರಿಯೆಡ ಎನಡ ಪ್ರೀತಿ ಇಜ್ಜಾಂಡ ಯಾನ್ ಶಬ್ಧ ಮಲ್ಪುನ ಕಂಚಿಲಾ ಗಣಗಣ ಆಪಿನ ತಾಳಲಾ ಮಾತ್ರ ಆದುಲ್ಲೆ.

ಎಂಕ್ ಪ್ರವಾದನೆದ ವರ ಇತ್ತ್ಂಡಲಾ ಮಾತ ಗೇನ ಇತ್ತ್ಂಡಲಾ ಮಾತ ಮರ್ಮೊಲೆನ್ ತೆರಿದಿತ್ತ್ಂಡಲಾ ಪರ್ವತೊಲೆನ್ ಲಕ್ಕಾವುನಾತ್ ಮಲ್ಲ ನಂಬಿಕೆ ಇತ್ತ್ಂಡಲಾ ಎನಡ ಪ್ರೀತಿ ಇಜ್ಜಾಂಡ ದಾಲಾ ಇಜ್ಜಾಂದಿನಾಯೆ ಆದುಲ್ಲೆ.

ಎಂಕುಪ್ಪು ಮಾತ ಬದ್‌ಕ್‌ನ್ ಧರ್ಮಾದ್ ಕೊರಿಯೆರ್ಡಲಾ ಎನ ಶರೀರೊನು ಪೊತ್ತಾವೆರೆ ಒಚ್ಚಿದ್ ಕೊರಿಯೆಡಲಾ ಎನಡ ಪ್ರೀತಿ ಇಜ್ಜಾಂಡ ಎಂಕ್ ದಾಲಾ ಪ್ರಯೋಜನ ಇಜ್ಜಿ.

ಯಾನ್ ಬಾಲೆ ಆದುಪ್ಪುನಗ ಬಾಲೆದ ಲೆಕ್ಕನೇ ಪಾತೆರಿಯೆ. ಬಾಲೆದ ಲೆಕ್ಕನೇ ಎನ್ನಿಯೆ, ಬಾಲೆದ ಲೆಕ್ಕನೇ ಆಲೋಚನೆ ಮಲ್ತೆ. ಪ್ರಾಯೊಗು ಬನ್ನಗ ಬಾಲೆದೆನ್ ಬುಡ್ದು ಬುಡಿಯೆ.