Mistari Maarufu ya Biblia kutoka 1 ಕೊರಿಂಥ್ಯೆರೆಗ್ 11

Shirikisha

ಅಂಚೆನೆ ವಣಸ್ ಆಯಿ ಬೊಕ್ಕ ಆಯೆ ಅವ್ವೇ ರೀತಿಡ್ ಪಾತ್ರೆನ್ ದೆತ್ತೊಂದು, “ಈ ಪಾತ್ರೆ ಎನ ನೆತ್ತೆರೆಡ್ದ್ ಉಂಡಾತಿನ ಪೊಸ ಒಡಂಬಡಿಕೆನ್ ತೋಜಾವುಂಡು. ನಿಕುಲು ಉಂದೆಟ್ಟ್ ಪರ್ಪಿನಾತ್ ಸರ್ತಿ ಎನನ್ ನೆನೆಪು ಮಲ್ಪೆರೆಗಾದ್ರ ದೆತ್ತೊನ್ಲೆ,” ನಿಕುಲು ಈ ರೊಟ್ಟಿನ್ ತಿಂದ್‌ದ್ ಈ ಪಾತ್ರೆಡ್ ಪರ್ಪಿನಾತ್ ಸರ್ತಿ ಕರ್ತವ ಮರಣೊನು ಆಯೆ ಬನ್ನೆಂಗೆ ಸಾರಿಯೊನ್ವರ್.

ಯಾನ್ ನಿಕ್ಲೆಗ್ ತೆರಿಪಾಯಿನ ಈ ಬೋಧನೆನ್ ಕರ್ತವಡ್ದ್ ಹೊಂದಿಯೆ. ಆವು ದಾನೆಂದ್ಂಡ, ಕರ್ತವೆ ಆದುಪ್ಪು ಯೇಸು ತನನ್ ಒಚ್ಚಿದ್ ಕೊರಿನ ರಾತ್ರೆಡ್ ರೊಟ್ಟಿನ್ ದೆತ್ತೊಂದು, ದೇವೆರೆನ್ ಸುಗಿತ್‌ದ್, ಪೊಲ್ತುದು ಅಕ್ಲೆಗ್ ಕೊರ್ದು, “ಉಂದು ನಿಕ್ಲೆಗಾದ್ ಕೊರ್ತಿನ ಎನ ಶರೀರ. ಎನನ್ ನೆನೆಪು ಮಲ್ಪೆರೆಗಾದ್ ಇಂಚ ಮಲ್ಪುಲೆ.”

ಅಂಚಾಂಡ ಪ್ರತಿ ನರಮಾನಿ ತನನ್ ಪರೀಕ್ಷೆ ಮಲ್ತೊಂದಿನಾಯೆ ಆದ್ ಈ ರೊಟ್ಟಿನ್ ದೆತ್ತೊಂದು ತಿನಡ್, ಈ ಪಾತ್ರೆಡ್ ಪರಡ್. ದಾಯೆಗಂದ್ಂಡ ಕರ್ತವ ಶರೀರೊಗು ಪಂಡ್ಂಡ ಸಭೆಟ್ ಯೋಗ್ಯೆದಾಂತೆ ತಿಂದ್‌ದ್ ಪರ್ಪಿನಾಯೆ ನ್ಯಾಯತೀರ್ಪುನು ಬರ್ಪಾವುನಾಯೆ ಆದುಪ್ಪುವೆ.

ಅಂಚಾಯಿನೆಡ್ದ್ ಏರಾಂಡಲಾ ಯೋಗ್ಯದಾಂತೆ ಈ ರೊಟ್ಟಿನ್ ತಿಂದೆಡ ಇಜ್ಜಿಡ ಕರ್ತವ ಪಾತ್ರೆಡ್ ಪರಿಯೆಡ, ಕರ್ತವ ಶರೀರೊಗ್ಲಾ ನೆತ್ತೆರ್‌‌ಗ್ಲಾ ಅಪರಾಧಿ ಆದುಪ್ಪೆ.

ಯಾನ್ ಕ್ರಿಸ್ತನ್ ತೂದು ನಡಪುಲೆಕ್ಕನೇ ನಿಕುಲು ಎನನ್ ತೂದು ನಡಪುಲೆ.