Mistari Maarufu ya Biblia kutoka Luka 3

Shirikisha

Himɓe fu e waɗanee *batisi, go Yeesu bo waɗanaa *batisi. Wakkati o du'otoo, kammu maɓɓitii, Ruuhu Ceniiɗo jippii dow makko hande tantabaraaru, go daane gom nanaa dow kammu e wi'a: «An woni Ɓiɗɗo am jiɗaaɗo, mo ceyoriimi.»

Go Yuhaana bati ɓe wi'i: «Min, mii waɗana on *batisi e diyam, amma goɗɗo ɓuruɗo am baawɗe e wara, mi fotay du jimminaago mi firta ɓoggi paɗe makko. Kanko, o waɗanan on *batisi e Ruuhu Ceniiɗo e yiite.

Accee kolliton diga e gaɗuuji mon no on tuubii. To on bi'ee der ɓerɗe mon: "Iburaahiima woni baaba amen." Gam mii bata on e gooŋa, Alla tampataa ko etti kaaƴe ɗee ɗo, tagirana Iburaahiima ɓiɓɓe.

Kakkilee! Gam jammere ettaama dow gam feƴƴugo leɗɗe faa e ɗaɗi mum. Leggal ŋal rimataa ɓikkon geeton fu, wudditinte, wattee der yiite.»

Hande no annabi Esaaya batuno der dewtere mum wi'i: «Daane gom e bata e semme der ladde yorne e wi'a: Moƴƴinanee Joomiraawo laawol, poortee laabi makko. Lugge fu sukkete, baalle e tile fu pusete. Laabi turiiɗi fu fortete, gayɗe tawaaɗe e laabi fu sukkete. Den himɓe fu, yi'an kisidam Alla.»