Mistari Maarufu ya Biblia kutoka Luka 14

Shirikisha

«Garuɗo to am, go wanyay baaba mum, e inna mum, e debbo mum, e sukaaɓe mum, e miiraaɓe mum, e mawniraaɓe mum, e sakikiraaɓe mum, e kanun e hoore mum, o waawataa laataago aahiijo am.

Mo roonaaki palaaŋal mum tokkimmi, waawataa laataago aahiijo am.

Gam mawninɗo hoore mum fu leesinte, leesinɗo hoore mum bo, mawninte.»

Hande nun bo, goɗɗo mon waawataa ko laatii aahiijo am, to joomum wanyay ko woodi fu.

Naa moy e mooɗon to e yiɗi mahugo suudu deenirgol jooɗataako taw liisoo noy ɗum nyaamata mo gam o yi'a, naa oo woodi ko heƴata o mahidira ŋol. To hinaa non, to o daɗɗii suudu ŋol, go o tampi ko heennyi ŋol, yi'unooɓe no o fuɗɗiri ŋol jalan mo, wi'a: "Gorko oo fuɗɗii maadi, amma o tampii ko heennyi ni!"

Amma to a waɗii nyaamdu juulɗe, noddin talkaaɓe, e moofiɗinɓe, e laƴooɓe, e wumuɓe. Barke laatante, gam ɓe baawataa ko yoɓu maa ɗum. A yoɓoyte ɗum wakkati foonnitiiɓe fintinoytee.»

«Lamɗam laati nun huune geetum, amma to dakam majjam heennyii, ume ɗam welinirtee kade? Ɗam nafataa leydi, ɗam nafataa gam jiddereya, sey ɗam woppee yaasi. Gooduɗo noppi gam nanugo fu nana!»