Mistari Maarufu ya Biblia kutoka Yuhaana 15

Shirikisha

Min woni innabohi, onon woni licce. Tiggiiɗo e am go mii tiggii e mum, o rimaan faa ɗuuɗa. Gam on baawataa ko waɗi goɗɗum to ɗum ƴiway e am.

Tabitee e am, min bo mi tabitoo e mooɗon! Hande no liccal peƴƴaaŋal waawirtaa ko rimi e hoore mum, sey to eŋal tiggii e innabohi, hande nun onon bo on baawataa ko rimi to on tiggaaki e am.

To on piɓontirii e am, go waaju am bo e fiɓontiri e mon, ko eeluɗon fu, on keɓan.

Onon bane suɓimmi, min suɓi on gam jahon, dimoon ɓiɓɓe, ɓiɓɓe mooɗon taboo, den Baaba hokkan on huune fu ko eelirton e inne am.

Neɗɗo hokkitira yonki mum gam weldiiɓe mum, yidde ɓurataa iri nee ɗon.

Liccal takkiiŋal e am fu, to rimataa, o feƴƴan ŋal, liccal dimoowal fu, o saɓanto ŋal gam ŋal ɓeyda rimugo.

Ooda am nani: jiɗontiree hande no jiɗirmi on.

To on dimii faa ɗuuɗi, den kan on laatake aahiiɓe am. Non nun tedduŋal Baaba am hollitortoo.

«Min woni innabohi gooŋahi, Baaba am woni joom gesa innabooje.

To goɗɗo tiggaaki e am, o woppete nun yaasi hande liccal peƴƴaaŋal, o yoora. Licce jorɗe ɗen hawritinte, faɗɗee der yiite, ɗe jaɓa.

«Mi batu on nun kaa ɗon gam belɗum ɓerne am wona der mooɗon. Den belɗum ɓerne mooɗon bo hebba.

To on tokkii ooda am, on tabitinto der yidde am, hande no tokkirmi oodaaji Baaba am go mii tabitii der yidde makko.»

Ko desanmi on woni, jiɗontiree.»

To oon laatinoo ɓe duuniyaaru, duuniyaaru yiɗanno on hande no nu yiɗiri ɓe mayru. Amma onon ɓe duuniyaaru bane. Min seenni on e duuniyaaru, no cuɓumi on. Gam majjum nu wanyi on.