Mistari Maarufu ya Biblia kutoka Malika 5

Shirikisha

Neke umwene atigilage: ve mwalivangu uveve, lukunodzidze lu lufuvo lwako, uhelelage, ve kuvalye, neke na ki kitamwa kyako, ikikali mukukupumusa, kisilavuja kikuvwile.

Neke pali pwali umukińinavo jumwi, je atabatye uvuńapasi imyâka likyumi na givili. Neke umukiṅinavo uju apumwike na kuvaganga avolofu, kwe kyamalikye nikyûma kyakwe kyonda ku kuvaganga, umwene swêla nambi anogage ponu; neke ikitamwa kitanililage kangi ukutabatila.

Neke baho kyumage ikilwita kya danda jakwe neke ivonage nukuta, lino ndiponile pamuvili gwangu ikitamwa, ikikâ mukumumusa.

Neke baho alibatage ilivoko lya mwâna neke atigilage: talitakumi! Kwe kutigila: ve kahindz’ave, ndikukuvula nditigila ula-muke.

Neke avye akululonga ulu, neke baho vafikage avańa-mulomo, avahumile kwa mundzagila va luholanilo neke vatigilage: umwalivo afwe, ukumufwahidza va kiki umuvulanidzi va vêne? Neke umwene Jesu apulikage, lwe vikumuvula umuudzagila vanavo uva luholanilo, neke baho atigilage: uveve utane ukogopa, ufuvwage ku kufuvwa.

Paku va atigye: ve mubepo umukali, ulokage kwa munu uju. Neke Jesu amuvudzage atigilage: ilitavwa lyako vwi nani. Neke umwene apilusage atigilage: je nene Lilugu ilitavwa lyangu, pakuva tuli volofu.