Mistari Maarufu ya Biblia kutoka VAROMA 14

Shirikisha

Ambu vufumwa vwa Mrungu si kula kana kunwa, esire ni kitea na mporere na kuizihirwa he Mpeho Wedi. Ambu ula emrongia Kristo ndima he vintu ivyo, emwizihija Mrungu, kangi ekundwa ni vantu.

Ambu kakicha tuikaa na moo, tumwikaia Mfumwa, kana kakicha tufwa, tufwa he Mfumwa. Heicho, kari tuikaa na moo kana tufwa, tu mari ya Mfumwa.

Iki kari ni huvo, naturatere mburi ja mporere na mburi jeve he kujengana.

Heicho tusizikelahana, mira keba chwani huvu: Mntu asikete kintu cha kumkwangwaja mndughu kana kumgusha.

Ambu heandikwe: “Sa vuntu mi nekalama, nivwo vuntu Mfumwa eti, Kila ikunkuro linenidunkutia, Na kila lumi lunemkaza Mrungu.” Heicho ni huvo, kila mntu he uswi eneteta mburi jakwe mwenye mozya he Mrungu.

Ula e msoka wa mwitikijo, mghujieni, mira musimlahe madunganyo akwe.

We niwe ani wemlaha mzoro wa ungi? He mfumwa wakwe mwenye ye eimuka kana kugwa. Yee, eneimukijwa, ambu Mfumwa eidima kumwimukija.