Mistari Maarufu ya Biblia kutoka YOHANE 11

Shirikisha

Yesu akamti, “Mi nimi uko kuvuka he vefwie na nkalamo. Ye eniitikija mi, na akatefwa enekalama; na kila eho moo, ekiniitikija mi, tekafwenye neri kae na kae. Uitikija huvo?”

Yesu akamti, “Mi sikuvwirire iti wekiitikija unevona ngazo ya Mrungu?”

Yesu akaseja masoji.

Yesu ekinasikie, akati, “Vuwaji uvu si vwa kifwa, mira ni vuntu vwa ngazo ya Mrungu, nesa Mwana wa Mrungu akazwe hevwo.

Naye ekinakenje kuteta huvo, akaitanga na izii ibaha, “Lazaro, fuma nze!” Ula efwie akafuma na nze, echungiwe shanda maghu na mikono, vusho vwakwe vwechungiwe na mhaluma. Niho Yesu akavati, “Mchungueni, mumshighe atonge.”

Niho Yesu ekiluluma kangi he ngoro yakwe, akafika he mbira. Nayo neki mpanga, na wanga heyo hevikiwe ibwe.

Ekinatete huvo, kangi nyuma ya ivyo, akavati, “Mmbwie wetu Lazaro ashinjia; mira nitonga niremvusha.”