Mistari Maarufu ya Biblia kutoka Romanos 3

Shirikisha

Jpetsaniltik wax jle'a jmultik, ja'yuj najat ki'ojtik ja Dyosi. A'nima, ja ye'n jel wa syajtayotik, mi ja swa sk'ana ki'tik b'a oj jtup ja jmultiki. K'eb'ub'al ya elkotik ja Jesús ja b'a wokol oj ki'tik ajyi yuj ja jmultiki.

Ja Dyosi toj wax yila spetsanil ja ma'tik wa sk'u'an ja Jesusi, a'nima judio ma mi judio'uk junxta kab'altik wax yilawotik.

Ja Dyosi sjeka ja Jesús b'a oj cham yuj ja ke'ntiki. Ta wan k'ax k'u'antik ja Jesusi ke cham yuj ja ke'ntiki, ja Dyosi ojni sch'ay ja jmultika. Sok ja iti wa sje'a tojni ja Dyosi, sts'akatal yuj ja jel ja spasensia ja'yuj ja ya'n sch'ayata kitik spetsanil ja jas mi lekuk jk'ulunejtiki. Ja ye'n jel toj, ja'yuj cho toj wax yila ja ma'tik wa sk'u'an ja Jesusi.

Mi ja'uk yuj ja waxa k'u'anex ja smandari, ja'yuj oj wal'ex mey ka mulex b'a sti sat ja Dyosi; ja yab'ali wax ya jna'tik ayni jmultika.

Ja yab'al ja Dyosi, wax yala kab'tik: —Mi ma toj. Mi ma xyab' sb'ej, mi ma sk'ana oj sle' ja Dyosi. Spetsanile ch'ak ya'we kan pilan ja Dyosi; spetsanile mini t'un lek ja jas wa sk'ulane'i.

Mix b'ob' jtoy jb'ajtik ja b'a sti sat ja Dyosi, toj wax yilawotik yuj ja wax k'u'antik ja Jesusi, mi ja'uk yuj ja wax k'u'antik ja smandar ja Moisesi.

—Miyuk. A'nima spetsanil ja kristyano wa sle'a ab'al, jaxa Dyosi wax yala ja smeranili. Ja b'a yab'al ja Dyosi jach' wax yala jastal iti: —Spetsanile, oj sna'e ke wanixa wala ja smeranila. Ja'yuj oj ja k'ul ganar ja yajni wa xle'ji a mul ja b'a sti sat ja ma' ay ya'teli.