Mistari Maarufu ya Biblia kutoka Romanos 12

Shirikisha

Ja we'nlexi, Mokxa jach' ajyanik jastal aye ja ma' tey b'a lu'um iti. Mas lek, tukb'es ja wa modo'exi, sok ja jastal waxa neb'awex ajyi. B'a jach' oj a na'ex jasunk'a lek wa sk'ana ja Dyosi. Ja jas wa sk'ana ja ye'n, ja spetsanil ja b'a leki, b'a tsamal sok b'a toji.

Ja'yuj jmoj aljel jumasa, yuj ja jel lek xyilawex ja Dyosi, ja'yuj wax kana a wi'ex ts'akatal a' a b'ajik b'a oj a toy'ex, sok b'a oj ja k'u'lukex spetsanil ja jas wa sk'ana ja Dyosi. Jach'ni sb'ej jastal jaw ja oj toyxuk ja Dyosi.

Je'a ab'ajik jastal jel lek ayex yuj ja wa'nex smajlajel ja Kajwaltiki; yajni waxa wi'ajex wokol yuj ja Kajwaltiki jun xta ajyanik; mok lom a wa'wex kan sk'umajel ja ye'ni.

Mok a wa'a b'ajex b'a oj lo'layex ja jas mi lekuki. Mas lek k'ulanik b'a oj b'ob' ka wujilex sok ja jas mi lekuki yuj ja oj ja k'u'lukex ja b'a leki.

Yajta a b'ajik sok ja tuk jumasa jastal a wermano ab'ajexi, kisa a b'ajik spetsanil k'ak'u.

Yajta a b'ajik sok ja tuk jumasa meran. Awikan kan pilan spetsanil ja jas mi lekuki, ja'xa nochowik ja b'a leki.

K'u'lanik ja b'a laman oj ajyanik sok spetsanil ja kristyano jumasa.

Jmoj aljel jumasa, mok ma' tajkanik sok a'awik b'a sk'ab' ja Dyos ye'n a ya stup ja smul ja ma' mi lekuk ja smodo'e'i. Ja b'a ts'ijb'anub'al ja yab'al ja Dyosi, jach' wax yala jastal iti: —Ke'n oj ka stup ja smule'i, ke'nani wax na'a jastal oj ka stup'e'a, xchi ja Dyosi.

Tsatsal k'ujolan a b'ajex sok ja Kajwaltiki, mok a yo'pes a b'ajex. A'teltayik ja Kajwaltik sok spetsanil wa k'ujolexi.

Yuj ja slekil sk'ujol ja Dyosi, stsa'awon b'a sjekab'anumil, ja'yuj wax k'ana a wi'ex mok jelxanik b'a oj a je'a b'ajex jelxa na'awex. Mas lek kechan we'n na'awik jas wax ya' a na'ex ja Dyos yuj ja waxa k'u'anex ja Jesusi.

Ta yuj k'a ma wa sk'u'lan a wi'ex b'a mi lekuk, mok a k'u'lex yi b'a mi lekuk ja we'nlexi. Le'awik jastal oj ja k'u'lukex yi b'a lek spetsanil ja kristyano'i.

Yajta a b'ajik spetsanil k'ak'u sok ja wa mojexi. Mok jel niwan oj a wa'a b'ajex le'awik jastal oj a laj a b'ajex sok ja kristyano jumasa ma' ch'in wax ya'a sb'aji. Mok a wa'a b'ajex yuj mas waxa na'awex ja we'nlex ke yuj ja tuk jumasa.

Sok wanix cho yala'a: —Ta yuj k'a meyuk ja swa'el ja ma' mix yilawa leki a'yi ja swa'eli; Ta yuj k'a takin sti', a yu' ja'. Ta yuj k'a oj ja k'u'lukex ja jastal jawi, ti oja wila jelni oj k'ixwuka, xchi ja yab'al Dyosi.

Mok a ta'ex ti b'a mi lekuk, ja ma wa sk'u'lan a wi'ex b'a mi leki; Ja lek k'anawik yi ja Dyos a ek' yujile lek. Ja ma' lek ayi, cho ajyanik lek sok ja we'nlexi; ay k'a ma cham k'ujol ay mojtayik sok ja scham k'ujoli.

K'epawik yi ja jas a wi'ojex ja jmoj aljel jumasa ma jel ajula sb'aji. I'ajik b'a wa najex ja ma wax jak yulatayex b'a tuktukil chonab'i, a'nima mixa na'awex sb'aj.

K'elawilex ja kwerpotiki, kechan june jel jitsan ja jas yi'oji, mi junuk xta ja scholi. Jach' jastal jaw ja ke'ntik ja ma'tik wax k'u'antik ja Dyosi: A'nima jel jitsanukotik lajan sok jun kwerpo aytik sok ja Jesusi.