Mistari Maarufu ya Biblia kutoka Yohana 15

Shirikisha

Nene në musabibu, nyenye mwë makhanja. Mweeso unë wakhuvëa na nee, na nene nakhuvëa ginakwe, mweeso unë winjë ufa nkhari nyingë. Gusoko në nene ntifo kunë nyenye, nyenye mutiudaha utenda intu mbanduvë.

Nyenye ikhai mukhatë ane, na nene nikhee mukhatë anyu. Mwino ikhanja nërëtiufa nkhari nërëyene, ëgweeso nërëkhaa mukhatë a musabibu. Viuyi na nyeenoo, mutiudaha ufa nkhari nëmwadëa gikhaa mukhatë ane.

Mbesa nyenye mwinjë ukhuvëa na nee, na nkhani yane yikhee mukhatë anyu, nyenye rombi intu gëkaku, na nyenye mwinjë ufewa.

Nyenye mwinang'wania nene. Ëgweeso nene namuhwaniye nyee na ngamutuma nyenye gusoko nyenye mwende na ufa nkhari na nkhari yanyu idahe gikhaa. Uvii intu roong'e në nyenye mumuromba Tata gwa rina rane, mweeso ugudaha umufa intu rasëë.

Gutie muntu nëwina uyanjo üküü ukëra uruu, muntu uduya ufanga wakwe gusoko a vaambuyakwe.

Mu ikhanja nërësafye kunë nene nërëtiufaa nkhari, mweeso ugurëtemaa. Na mu ikhanja nëreufaa nkhari mweeso uguritëngwëëra, gusoko rëdahe ufa nkhari në nyingë.

“Ërëë unë iragheeyo rane, mwino nyenye mwiyanje nyenye gwa nyenye mwino nene namuyanjie nyee.

Gwa njëa ëyëë Tata wane winjë ukuriwa, gusoko nyenye mufa nkhari nyingë, na nyee mwinjë uraghëëra tutë mwino mwë asëywi vane.

“Nene në musabibu wa tütë, na Tata wane u murëmi wa mësabivu.

Mbesa muntu wadëa ukhuvëa na nee, ugujughutwa mwino ikhanja nërëutemwaa na rëguuma. Na makhanja ëguhangwëëywa, ëgughumëwa u moto na urungwëëra.

Nene narighëëtëye mantu ayaa kunë nyenye, gusoko uyanjo wane utende wë mukhatë anyu, na gusoko uyanjo wanyu ukhondekeke.

Mbesa nyenye mukwatëëra maraghëëyo ane nyenye mwinjë gikhaa mukhatë a uyanjo wane.

Uvii nene ngumuraghëëya nyenye, iyanji nyenye gwa nyenye.

Nesa nyenye naa mwë wa urëmi, urëmi na uguvanja nëvakwe. Ëgweeso gusoko nyenye ti mwë wa urëmi. Ëgweeso nene namuhwaniye nyenye ufuma mu urëmi, uvii urëmi umuhwëte nyee.