Mistari Maarufu ya Biblia kutoka Mat 13

Shirikisha

Ezaabibirwe aha itaka erirungi, niwe ogwo ohurira ekigambo, akakyetegyereza; haza akaana ebyana, omwe igana, ondi makumi mukaaga, n'ondi makumi ashatu.

Ezaabibirwe omu mahwa, niwe ogwo ohurira ekigambo, kwonka okwemerereza omutima eby'ensi n'ebinuriirizi by'obutungi kunyuruza ekyo kigambo, kibura kwana.

Omuntu weena ku ahurira ekigambo ky'obukama bwa Ruhanga ataakishoboorokyerwa, mpaho omubi aija ashahura ekyabibwa omu mutima gwe; ezo nizo mbibo ezaabibirwe aha rubaju rw'omuhanda.

Ezaabibirwe aha itaka ry'aha rukiri, niwe ogwo ohurira ekigambo, akakiikiriza ahonaaho ashemereirwe; nobu aba ataine mizi, ayehangaana akaanya kakye; kwonka ku habaho enaku nari okuhiiganisibwa ahabw'ekyo kigambo, ahonaaho agwera kimwe.

Obukama bw'Ow'omu iguru buri nk'eky'obuguzi bwingi ekyasherekirwe omu musiri, eki omuntu yaagwireho akakishweka eitaka; mpaho ahabw'okushemererwa akagyenda, akatunda byona ebi aine, akagura ogwo musiri.

Ezindi zaagwa aha itaka rirungi, zaayera; ezimwe enjuma igana, ezindi makumi mukaaga, n'ezindi makumi ashatu.

Nimubirekye byombi bikure kumwe okuhitsya aha igyesha; reero omu igyesha ndyagambira abagyesi nti: Mubanze murundaane enkyenzi, muzikome enganda, zookibwe, haza engano muzihunikye omu kitara kyangye.