Mistari Maarufu ya Biblia kutoka 1 Tim 2

Shirikisha

Manya Ruhanga n'omwe, kandi omuteeranizi otuura ahagati ya Ruhanga n'abantu nawe n'omwe. Niwe muntu Kristo Yesu, owaayehaireyo kuba encungurano y'abantu boona; haza ekyo akakihamya omu bunaku bwakyo obuhikire.

Eky'okubanza kya byona, nimbeehanangiriza ku mushabira abantu boona, nimubeeshengyerereza, nimubatonganira, nimubasiimira, kandi nimushabira abagabe n'abandi boona abaine emyanya mikuru, tubone kubukaara twine obusingye, nitutiina Ruhanga kandi nitutwaza gye omu buryo bwona.

N'ahabw'ekyo niinyenda abashaija omu myanya yoona ku baguma bakashaba baimukize emikono eyezire, bataine kiniga nari entongane. Kandi niinyenda abakazi ku baguma nibeehunda beerinzire, batarikurengyesereza, bajwaire ebijwaro ebibashemereire, batarikutsiba ishokye, nari okushagika eby'ezaabu nari eruuru, nainga ebijwaro by'obuguzi bwingi; kureka beehunde ebikorwa birungi, nk'oku kishemereire abakazi abanyadiini.