Mistari Maarufu ya Biblia kutoka 1 Tes 5

Shirikisha

Mushemererwe ebiro byona, mushabe obutoosha, kandi musiime omu birikubaho byona, ahabw'okuba ekyo nikyo Ruhanga abendeza omuri Kristo Yesu.

Ruhanga Mukama w'obusingye wenka abeereze kimwe. Emitima yaanyu n'amagara gaanyu n'emibiri yaanyu birindwe biri gye. Haza aha kwija kwa Mukama waitu Yesu Kristo mushangwe mutaine ki murikuhaahuuzibwa. Manya ogwo owaabeetsire n'omwesigwa, kandi aryakikora.

Mureebe ngu tihariho n'omwe omuriimwe orikuhoora mugyenzi we enzigu, kureka obutoosha mwitanire okukorerana gye, abandi boona.

N'ahabw'ekyo mugumyane kandi mwombekane, nk'oku murikugira na hati.

Kandi, banyaruganda, nitubeehanangiriza ku muhana abatatebeekaine, mukagumya abagwire enshazi, mukahwera abataine maani; abo boona mubagumisiririze.

Ahabw'okuba Ruhanga taratuteekateekyeire kutumariraho ekishinjo, kureka ngu tujunirwe omuri Mukama waitu Yesu Kristo

Ahabw'okuba mwena muri abaana b'omushana, kandi aba nyomushana; tituri ba nyekiro nari ab'omwirima.