Mistari Maarufu ya Biblia kutoka Luke 6

Shirikisha

hom mma, na wɔama hom: esusudze pa a wɔahohom do na wɔawosow no ma ebu do na wɔdze bogu hom bo mu; na esusudze kor a hom dze susu no, wɔdze bosusu ama hom bio.

Nyimpa pa fi n’akoma mu ndzepa korabea na oyi adze pa pue, na nyimpa bɔn fi ne ndzɛmba bɔn korabea na oyi dza omuo pue: na ofi dza abor do wɔ akoma mu no na ano ka.

Na mbom hom ndɔ hom atamfo, hom nyɛ papa, na hom mfa mfɛm dɛ hom enyi nnda biribi do, na hom akatua bɔdɔɔ so, na hom ayɛ nyia ɔwɔ sorsor no ne mba, osiandɛ ɔnodze, ɔyɛ adɔyɛ ma etsiafo nye emumuyɛfo.

Hom nyɛ mbɔbɔrhufo, dɛ mbrɛ hom Egya so yɛ mbɔbɔrhunyi no.

Mma hom mmbu atsɛn, na wonnkobu hom atsɛn; mma hom mmbu fɔ, na wonnkobu hom fɔ; hom mfa nkyɛ, na wɔdze akyɛ hom

Na meka kyerɛ hom a hom ritsie yi dɛ, Hom ndɔ hom atamfo, hom nyɛ hɔn a wɔtan hom yie, hom nhyira hɔn a wɔdom hom, na hom nsɔr mma hɔn a wɔbɔ hom adapaa.

Na dza hom pɛ dɛ nyimpa yɛ ma hom no, hom so nyɛ dɛmara mma hɔn.

Na nyia ɔbɔ w’aso fakor mu no, dan fakor so ma no; na nyia ɔfa wo nkatado no, mma nnsiw no w’asetar ho kwan. Obiara a ɔserɛ wo no, ma no; na nyia ɔfa w’adze no, mma mmbisa no bio.

Dua pa biara nnyi hɔ a ɔsow aba prɔwee na dua prɔwee so nnyi hɔ a ɔsow aba pa.

Na dua biara wɔdze n’aba hu no. Na nyimpa nntsetsew adɔmba wɔ nsoɛ do, na eso wɔnntsetsew wenyinaba wɔ kɔkrɔw do.