Mistari Maarufu ya Biblia kutoka JEPANYA 3

Shirikisha

Timongoli diluo̒la lo EEYA Allahu Taa̒ala limongoli tamolotolo suukali olaahe boli buheli. Timongoli moo̒haama sababu kawasaa-Lio. EEYA meengahe wau sanangi sababu timongoli, todelomo ponu-Lio timongoli yilohia-Lio tutumulo bohu.

Masaalio mamei dungga, ulipumu talo bubuua̒yawa deloo-U̒ mohualinga. Timongoli pohutuwo-U̒ masa-masaahulu to ngoilanggubu dunia, wau omaa̒mulumu mamuli ponguliyo-U̒.” EEYA malo tahuda.

Sababu EEYA lohuheli lohukuumani olimongoli; Tio malo polahi ngoa̒amila musuumu. Timongoli diluo̒la li olongia lo Isirai̒lu, EEYAAmu lohihilao. Botia timongoli diilalo palalu molaasa moohe.

Masaalio mamei dungga tamoo-deehea olemu antuluwo-U̒, wau taa penggo poa̒ahuwo-U̒; ngoa̒amila tapola-polayahu deloo-U̒ mohualingo. Ohihina limongolio lomelo-U̒ mowali ohulumati; penu boli tou̒toonu wambai̒o, tumbao̒ to ngoilanggubu dunia, timongolio mapo lamahulio wau pujiolo.