Mistari Maarufu ya Biblia kutoka लुका 14

Shirikisha

“कदीम कोय मारी ह़ाते आवे, अने आह़फा ना आय्‌ह-बाहा, घोरवाळी ने, आह़फा ना सोरा-सोरी ने अने भाय-बेन्‌या ने अने आह़फा ना जीव ने मारी गेथो जादा मोंग करे ता तीहयो मार चेलो नी बण सके।

जे कोय आह़फा नु कुरुस ने नी उचले; अने मार पसळ नी आवे; तीहयो बी मार चेलो नी बण सके।”

काहाके जे आह़फा ने मोटो ह़मजे, तीने नानो बणाय देहे, अने जे कोय आह़फा ने नानु ह़मजे, तीने आखा गेथो मोटो बणाय देहे।”

“आहयीत रीते तमारी मे जे कोय आह़फा नु आखु कंय मार जुगु आप नी देय, तांह लग तीहयो मारो चेलो नी हय सके।”

“तमारी मे आसवु कोय से, जे मोट्‌लु घोर बंदाड़वा हीन्‌डे, पण पेले बहीन खरचा नो हीसाब नी जोड़े के घोर बंदाड़वा जुगु मार पांह पय्‌हा हय के नी हय? कदीम आसम नी हय जाय के पायो खोदीन दगड़ा नो पायो बणाय लेय पण पुरु नी हये ता आखा देखवा वाळा आहयु केता जाय्‌न तीनी हाही उड़ावह़े, के ‘आहयो माणेह बंदाड़वा ते बाज ज्‌यो पण पुरु घोर नी बणाय सक्‌यो?’”

पण जत्‌यार तु खावा नी पंगात राखे, ता गरीब ने, लुल्‌ला ने, लंगड़ा ने, अने आंदळा ने बोलावजे। अने तु जुगाळो हय जही काहाके पासु आपवा जुगु तीमनी पांह कंय बी नी हय, पण धरमी माणहु मर्‌या-ह़र्‌या मे गेथा जीवता हयहे ता भगवान हीय्‌या काम नु फोळ आपहे।”

“खारलु मीठु वारु से, बाखीन तीहयु मीठु नु खारापण बगड़ जाय, ता तीने कानी चीज वेर पासु खारु नी कर सके? तीहयु खारलु मीठु नी ते खेतर मे काम आवे, नी ते खातर मे काम आवे: तीहयु खारलु मीठु ने माणहु बारथु कादा मे ली जाय्‌न नाख देय। जीनी पांह ह़मळवा ना कान्‌टा हय, तीहयो ह़मळी लेय।”