Mistari Maarufu ya Biblia kutoka KA ʻEUANELIO I KĀKAU ʻIA AI E MAREKO 7

Shirikisha

“No ka mea, no loko mai o ka naʻau o kānaka i puka mai ai ka manaʻo ʻino, ka moe i kā haʻi, ka moe ipoipo, ka pepehi kanaka, ka ʻaihue, ka makeʻe waiwai, ka ʻōpū ʻinoʻino, ka wahaheʻe, ka makaleho, ka huāhuā, ka niʻaniʻa, ka hoʻokano, ka lalau wale. “No loko mai kēia mau mea ʻino a pau i puka mai ai, ʻo ia nō nā mea e haumia ai ke kanaka.”

“ʻAʻole mea ma waho o ke kanaka e haumia ai ia ke komo i loko ona; akā, ʻo ka mea i puaʻi mai, mai loko mai ona, ʻo ia nā mea e haumia ai ke kanaka.

ʻŌlelo maila ia, ʻī maila iā lākou, “Ua pono ʻiʻo kā ʻIsaia wānana ʻana no ʻoukou, e ka poʻe hoʻokamani, e like me ka mea i palapala ʻia: ‘«Ke hoʻomaikaʻi nei kēia poʻe kānaka iaʻu ma nā lehelehe, Akā, ʻo ko lākou naʻau, ua mamao loa aku ia, mai oʻu aku nei.

‘Makehewa kā lākou hoʻomana ʻana mai iaʻu, I kā lākou aʻo ʻana aʻe i nā kauoha a kānaka i kumu e mālama ʻia ai».’

“No ka mea, ke waiho wale nei nō ʻoukou i ke kānāwai o ke Akua, a hoʻopaʻa hoʻi i nā kauoha a kānaka, i ka holoi ʻana i nā ipu, a me nā kīʻaha, a he nui loa nō hoʻi nā mea e like me ia, a ʻoukou e hana nei.”