Mistari Maarufu ya Biblia kutoka ROMANOS 14

Shirikisha

Dios mandashca cajcunaca, mana micuna ubyana yuyailla canachu. Ashtahuanpish jucha illaj Espiritumantaca cashcata rurana, sumaj causai, cushicuimari. Cristopajta chashna rurajca Dios munashcata rurajmi, gentecunapish alli crijmi nishcami.

Causacushpapish, Mandaj Jesuspajmi causacunchij, huañushpapish Mandaj Jesuspajmi huañushun. Chaimanta causacushpapish, huañushpapish Mandaj Jesuspajllatajmi canchij.

Chaimanta sumaj causaiman, sinchiyanaman caishuj chaishuj shuj yuyailla catishunchij.

Chaimanta caishuj chaishuj ama ashtahuan juchachinacushunchijchu. Ashtahuanpish huauquita ñitcachinata, tsagnarichishpa urmachinataca ama yuyashun ninacuichij.

Cashnami quillcashca tiyacun: “Jatun Diosca ñucaca causacunimi ninmi. Tucuicunami ñuca ñaupajpi cungurishpa, paicunapaj shimihuan Taita Diosmi cangui” ningacuna. Chashnami ñucanchijca, cada quiquin imallata rurashcataca Diosman huillashun.

Crishcapi irquilla cajtaca chasquinguichijlla, ashtahuanpish ama caita chaita paihuan rimanacungapaj chasquinguichijchu.

Canca, shujtajpajta rurajta juchachingapajca ¿pitaj canguiyari? Alli cangapajpish, mana alli cangapajpish paita Mandaj Jesuspajmi ruracun. Ashtahuanpish sinchiyachinapaj poderyuj Mandaj Jesús sinchiyachijpimi, paipish sinchiyanga.