Mistari Maarufu ya Biblia kutoka HECHOS 16

Shirikisha

paicunaca: –Mandaj Jesucristota cri. Canpish, cambaj tucui huasi ucu familiapish chashna rurashpaca quishpiringuichijmi– nircacuna.

Ashtahuanpish Pabloca Silasndijmi chaupi tutataca Taita Diosta mañashpa cantacurcacuna. Chaipi caj shujtaj prezucunapish chaitaca uyacurcacunami. Chashna mañashpa cantacujpica, ñapish jatun allpa chujchui shamurcallami. Chaimi cárcel shayacun pamba cuyurijpica, tucui pungucunapish pascarirca. Prezucunata huatashca cadenacunapish tucuicunapajmi cacharirirca.

Chaimanta paicunata canllaman llujshichishpaca: –Riqui, amocuna. Ñuca quishpiringapajca ¿imatataj rurana cani?– nijpimi

Carcelta cuidaj rijcharishpaca, cárcel pungucuna pascarishcata ricushpami, tucui prezucunami llujshishpa rishca canga yuyashpa paipaj espadallatataj llujshichishpa huañuchirigrirca. Chaimi Pabloca: –¡Ama llaquichirichu, tucuicunami caipi canchij!– nishpa sinchita caparirca.