Mistari Maarufu ya Biblia kutoka Yọọn 16

Shirikisha

“Ami idọkkọ ndufo mme ñkpọ ami, nọ ndufo enie emem ke ami. Ke ederimbod ami ndufo eyaekịt ukuud. Ado isọñ esịd! Ami mmekan ederimbod.”

Ado Sịbidịd akpanikọ amaadi, anye ayaiwọt usʌñ afịd akpanikọ. Anye idiitañña ikọ idem amọ, adiitañ se anye akop kpọd, anye ayaidọkkọ ndufo se idiidi ke ini iso.

Kpaanam ndufo imbeeñeke ñkpọ ndomokeed ke anyịñ mmi. Ibeeñe ke eyaebọ, ndin idaara ndufo ayaayọhọ.

Ado ke ataa akpanikọ ke ami ntañ inọọ ndufo, ado ke ufọn ndufo ke ami ñka. Ami mmiikpọññọ ndufo, Anọitem idiidiighe ibịne ndufo; ado adieke ami ñkaaha, ami ñyaanọ anye isọk ndufo. Anye amaadi, anye ayaanam mbon ederimbod ediọọñọ ke ikiba ke ukwañ ke abaña idiọọkñkpọ ye adinenido ye ubiideikpe

Ukem ado ke ado ye ndufo: Idahami ado ini mfʌhọ ke esịd ndufo, ado ñyaamaana ikịt ndufo, ndin ndufo eyaedaara, idiibaaha awo a-adiikan iben idaara ndufo ifep. Ini ado amaakem, ndufo idimbịppe miin ñkpọ ndomokeed. Ke ataa akpanikọ, ami ntañ inọ ndufo, Ete mmi ayainọ ndufo ñkpọ akeedodo a-ndufo ebeeñeke ke anyịñ mmi.

Ke ataa akpanikọ ami ntañ inọ ndufo, ndufo eyaetuaha enyʌñ efʌhọ ke ini mbon ederimbod edarakedaara. Ndufo eyaefʌhọ ado mfʌhọ ndufo ayaakappa ado idaara.