Mistari Maarufu ya Biblia kutoka Ntomong Batom 2

Shirikisha

ABitrus fɛ̀ ni ba, “Tirik yin, wosong yin anɛn yin, na ba ki ra yin abatisma, ngma yin, ayɛt iyerek aYeso Kristi, nɔng ba da bin ki fuut yin anɛn yin, ama anɔng, i da sɛ yin kunang Kabik aJɛrɛ.

Ba nɔɔk nhwyɛ ba kusum sak ni ishashang itees ni mbɔk batom aYeso, ni kuyak angma, ni inyis, ni iras awon.

Ngma ba sɛ kushining na Kabik aJɛrɛ, ba kpa cɛɛt na alem akak kpaf ne agap fɛ́ Kabik e ka ba nɔɔk.

Ni izen izining, ba fɛ̀ ba fok iwɔng ne azanɛn, tɛ nawoot itsombos, i bi shining kasa fɛ́ ba di se me ngma kusum. Ba fɛ̀ ba di ikyɛng kak fi i se tɛ alem nrong in ne, ni in tisik naton ace bá. Ngma ba sɛ kushining na Kabik aJɛrɛ, ba kpa cɛɛt na alem akak kpaf ne agap fɛ́ Kabik e ka ba nɔɔk.

Ba ya kashon ni inyis atasa karɔ iya Adakunom ntong kaakyi izen. Ba kabasa nayak na nasa bá, na ba yas gung ni iyɛ izining ni itɛrɛk iyɛ, na ba tere Adakunom, banet ngma kusum ka ba tere. Adakunom di barasa kudot bá, ifɛ̀ banet fɛ́ ba sɛs isheshek kaakyi kunom.

‘Adakunom kin fɛ̀, “Ni nkɔs igang e, Imi bi korok Kabik hom naton ngma banet kusum. Nnon yin namatek e, nɛ nanamang e, bi tas ibes, bacam yin, bi yɛrɛ nabos, bashɔn yin, bi ras nabos.

Ngma bafi ikuus e, ya kashon ni kusonong myak, ikyɛng fɛ́ ba bɛ̀ yet ifuu bá ngma. Ba rɛs nkyɔrɔk mbɔk bá, ba kabasa itsɔm e, kpaf ni kunanang fɛ́ kaangan bɛ̀.

I bi se fok, ngma ayɔng fɛ́ a ra awon na aTisa a ku sɛ mo, a bi sɛ isheshek.” ’

Ba bi tirik kunom ni ku sot ngmalak, kufɛn bi sot tɛ nasok dang agbat kunom aTisa me ni ku nye.