Mistari Maarufu ya Biblia kutoka Israelƒuɔ Bɔlɛ 10

Shirikisha

Amu na Unwoti ɔ́su Mose ɔnini, “Teesie na atánu Ƒarao, ɔsika lɛ́ya na anwu ku nwuna benengu báyu kayi ɔkplu kalɛ na ɔdia-mi na lidie akɔla ala budie taatina lidu lidu lɛmɛni lɛtina na bana akɔ. Mmɔ na ɔdubɔdia na biti bana litemi bɛtɛmi bina bebi ku bawɔ. Na bɛsu-ma kalɛ ami Unwoti lɛ́bla Egyipteƒuɔ ɔkɛnku akɔla budie taatina lidu lidu lɛmɛni lɛlɔ, na bɛti ka ami ndi Unwoti.”

Amu na Unwoti ɔ́su Mose ɔnini, “Talaku kɔnu na eti atina katɔ na ndubɔya na lɛdisa susuusu bonwu lɛdi libo Egyipte kalɔ ƒui lɛlɔ.” Anwuɔsu Mose ɔ́talaku kɔnu katɔ ɔ́tina kayaa na lɛdisa bonwu lɛ́ƒɔ Egyipte kalɔ ƒui emeyi atɛ sɔɔn. Emeyi atɛ sɔɔn ukyuli ɔdi ulákana na ɔnu ɔkpanadi iye ɔkana na ɔlɛ kesii kani na ɔkya muedi. Nsu Israelƒuɔ keliekɔ aka keekeye uwi biala.

Anwuɔsu Mose únene kɔnu na úti nwuna ugyii ɔdadi ɔmmɔ ɔ́tina Egyipte kalɔ kammɔ lɛlɔ, na Unwoti ɔ́ya na ɔƒɛƒɛɛ ɔdi úkpo ɔ́si ɔƒɛ katukɔ ɔ́vi kalɔ kammɔ lɛlɔ limeyi lɛmmɔ ku usien umodi. Na kadi buteegye ni, baalɔlɔ bani muubile ala mmɔ báyu bébewi geen. Bébile ala kalɔ kammɔ kemmo ƒui na bakɛ esu esu na béyii Egyipte kalɔ lɛlɔ ƒui kede kede. Na Egyipteƒuɔ bátanu-ma lɛni kudii. Na badi lɛnɔ basɔ baaadubo bɔlɛ lɛni lɛnɔ kudii.