Mistari Maarufu ya Biblia kutoka LOMA 14

Shirikisha

Me i te malo o te Atua e se ko tona uiga ko meakai mo mea inu, ka ko te amiotonu, te filemu mo te fiafia i te Agaga Tapu. Ko te tino tela e tavini ki a Keliso i mea kona, e talia ne te Atua kae fakamaoni ne tagata.

Kafai e ola tatou, e ola tatou mō te Aliki, kae kafai foki e 'mate tatou, e 'mate tatou mō te Aliki; tela la, me e ola tatou io me 'mate, ko tino o te Aliki tatou.

Ke salasala ne tatou a mea e tupu ei te filemu, mo mea e fakatau putiputi ake ei tatou.

Tela la, ke se fakamasino atu a te sua tino ki te sua tino, kae ke se mafaufau koutou ki se mea ke fakapaku io me se mea e 'pono ei te ala o tou taina.

e pela mo muna a te Tusi, “Muna a te Aliki, au e ola kae ka to'tuli a tino katoa ki a au, Mo gutu katoa ka 'viki katoa ki a au.” Tela la, ko 'tau i a tatou takitokotasi o avatu se tala o ia ki te Atua.

Ke talia ne koutou a te tino tela e vaivai i te fakatuanaki, kae sa finau mo ia e uiga ki ona mafaufauga.

Ko oi koe e fakamasino atu ei ne koe te tavini a te sua tino? Ko te Atua fua e fakamasino ne ia me ko ia e iloa ne ia me e 'lei me e masei. Kae ka pukemaugina a ia, i te mea e mafai eiloa ne te Aliki o fai a ia ke 'lei i aso katoa.